,
თბილისის მერია 18-დან 29 წლამდე ახალგაზრდებისთვის, ცხოვრების ჯანსაღი წესის პოპულარიზაციის, აქტიური დასვენების, გართობისა და რეკრეაციის ხელშეწყობის მიზნით, მასშტაბურ საზაფხულო პროგრამას იწყებს.
როგორც თბილისის მერმა კახა კალაძემ, თბილისის მთავრობის დღევანდელ სხდომაზე განაცხადა, პროგრამა ითვალისწინებს, თბილისში მცხოვრებ ახალგაზრდებს პერიოდულად შესთავაზოს სხვადასხვა ახალგაზრდული სერვისები - ლაშქრობები, საველე ბანაკები (კემპინგი), საჯომარდო ტურები ფასანაურში, ველოტურები თბილისთან ახლო მარშრუტებზე, კარტინგი, მინი გოლფი, სასროლეთი ლისის მიმდებარე ტერიტორიაზე, მუნიციპალური საცურაო აუზი ზღვის უბანში.
მისი თქმით, პროგრამა 30 ივნისს დაიწყება და 30 აგვისტოს ჩათვლით გაგრძელდება. პროგრამის ფარგლებში ახალგაზრდები უზრუნველყოფილ იქნებიან კვალიფიციური ინსტრუქტორების მომსახურებით, კვებით, ტრანსპორტით, ეკიპირებით და შესაბამისი აღჭურვილობით.
„პროგრამის მიზანია ახალგაზრდებისთვის ხელმისაწვდომი გახდეს სერვისები და გაიზარდოს მათი დაინტერესება ჯანსაღი ცხოვრების მიმართ. ჯანსაღი ცხოვრების პოპულარიზაცია, კონკრეტული პროგრამის შეთავაზება ახალგაზრდებისთვის, კონკრეტული ინფრასტრუქტურის მოწესრიგება, ახალი სპორტული მოედნების გახსნა, სპორტის ხელშეწყობა არის ერთ-ერთი მთავარი პრიორიტეტი. დარწმუნებული ვარ ამ პროგრამაში ძალიან ბევრი ახალგაზრდა იქნება ჩართული. პირველ ეტაპზე, პროგრამაში 5000- მდე ახალგაზრდა ჩაერთვება და მონაწილეთა რაოდენობა, რა თქმა უნდა, მოთხოვნის შესაბამისად გაიზრდება. რეგისტრაცია ელექტრონულად იქნება. ელექტრონული რეგისტრაცია 8 ივნისიდან 20 ივნისის ჩათვლით იქნება შესაძლებელი“,- განაცხადა კალაძემ.
ირანის საგარეო საქმეთა სამინისტრო აშშ-ის ძალების მიერ ირანული სატვირთო გემის, Touska-ს დაკავებას გმობს და აშშ-ს გემის, მისი მეზღვაურების, ეკიპაჟის წევრებისა და მათი ოჯახების დაუყოვნებლივ გათავისუფლებისკენ მოუწოდებს, - ინფორმაციას CNN-ი ავრცელებს.
„ეჭვგარეშეა, რომ ირანის ისლამური რესპუბლიკა გამოიყენებს ყველა შესაძლებლობას ირანის ეროვნული ინტერესებისა და უსაფრთხოების დასაცავად და მოქალაქეების უფლებებისა და ღირსების დასაცავად“, - ნათქვამია უწყების განცხადებაში.
„ასევე ნათელია, რომ რეგიონში შემდგომი ესკალაციის სრული პასუხისმგებლობა შეერთებულ შტატებს ეკისრება“.
ირანის საგარეო საქმეთა სამინისტროს განცხადებით, რეგიონში შემდგომ ესკალაციაზე სრული პასუხისმგებლობა შეერთებულ შტატებს ეკისრება.
ცნობისთვის, აშშ-ის პრეზიდენტმა დონალდ ტრამპმა განაცხადა, რომ კვირას აშშ-ის საზღვაო ძალებმა ცეცხლი გაუხსნეს და დააკავეს ირანის დროშის ქვეშ მცურავი გემი მას შემდეგ, რაც მან ომანის ყურეში აშშ-ის საზღვაო ბლოკადის დარღვევა სცადა.
