,
თბილისის მერმა მთავრობის სხდომაზე განაცხადა, რომ არჩევნების პერიოდში ყოველთვის იზრდება აგრესია და ცილისწამების ფაქტები, რაც საგანგაშოა.
" მე და ჩემს გუნდს არ გვჩვევია ასეთი მეთოდებით ბრძოლა, არასდროს გამოგვიყენებია. განსაკუთრებით, მაშინ, როცა თბილისის მოსახლეობამ პირადად მე და ჩემს გუნდს ნდობა გამოგვიცხადა ქალაქის განვითარებისთვის. ეს არის ყველაზე დიდი კაპიტალი ჩემი და ჩემი გუნდის, ეს არის პიარიც და ჩვენი იარაღიც ოპონენტების წინააღმდეგ. ის სიცრუე და ცილისწამება, რასაც ჩვენ ვისმენთ ეს ბოლო დღეებია, აზარალებს არა კახა კალაძეს ან მერიას, არამედ ზოგადად ქალაქს, თრგუნავს ხალხს. მე მესმის, რომ ეს პირველი შემთხვევა არ არის. მოახლოებულ არჩევნებთან ერთად ყოველთვის იმატებს აგრესია, ცილისწამება, რაც საგანგაშოა. ყველა გულშემატკივარს ვთხოვ, არავითარ შემთხვევაში არ უპასუხოთ ძალადობას ძალადობით. გავაგრძელოთ საქმის კეთება სიყვარულით, როგორც გვჩვევია ხოლმე" - განაცხადა კალაძემ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
