USD 2.7236
EUR 3.0431
RUB 2.9300
თბილისი
"თბილისი პრაიდის“ ორგანიზებული "ღირსების მარში“ დღეს გაიმართება
თარიღი:  151

„თბილისი პრაიდის“ ორგანიზებით „ღირსების მარში“ - #სოლიდარობისთვის გაიმართება. დღევანდელი ღონისძიება პრაიდის კვირეულის ფარგლებში დასკვნითი იქნება.

ღონისძიებასთან დაკავშირებით ორგანიზატორები განცხადებას ავრცელებენ.

„ჩვენი საზოგადოება და სახელმწიფო რთული გამოწვევების წინაშე დგას. უკვე არსებულ ღრმა კრიზისებს, 2020 წელს კოვიდ პანდემიაც დაემატა, რამაც კიდევ უფრო გაამწვავა ისედაც რთული სოციალური და ეკონომიკური მდგომარეობა.

დღეს ბევრი ჩვენგანი გადარჩენისთვის იბრძვის. გაიზარდა უმუშევრობა და კიდევ უფრო მეტი ადამიანი ცხოვრობს სიღარიბეში. სახელმწიფო ინსტიტუტები ჩამოშლილია და გამქრალია სამართლიანობის შეგრძნება. ადამიანები საქართველოში მომავალს ვეღარ ხედავენ და შედეგად, სულ უფრო მეტი მოქალაქე ტოვებს ქვეყანას, ჩვენი საზოგადოება კი კარგავს უმნიშვნელოვანეს რესურსს - ადამიანებს.

ეს კრიზისული ვითარება ჩვენთვის, ქვიარებისთვის ისევე მტკივნეული და მძიმეა, როგორც ყველასთვის. თუმცა ჩვენს მდგომარეობას ამძიმებს სხვა გამოწვევებიც. ლესბოსელი, გეი, ბისექსუალი, ტრანსგენდერი და ქვიარ ადამიანები ყოველდღიურად განვიცდით ჩაგვრას და დისკრიმინაციას. სიძულვილის ჯგუფები მუდმივად ცდილობენ საზოგადოებაში ჩვენ მიმართ მტრული დამოკიდებულების გაღვივებას. ეს ჯგუფები ჰომოფობიის ინსტრუმენტალიზაციით ცდილობენ შუღლი დათესონ და დაყონ საზოგადოება თუ სოციალური მოძრაობები, მოახდინონ სხვადასხვა სამართლიანი მოთხოვნის დისკრედიტაცია. სახელმწიფო ხშირად დაუსჯელად ტოვებს ძალადობრივი ჯგუფებისა და მათი ლიდერების დანაშაულებრივ ქმედებებს, რითიც ერთი მხრივ, ახდენს ქვიარ ადამიანების მიმართ ძალადობის ნორმალიზებას, მეორე მხრივ კი, ხელს უშლის განვითარებას და სამართლიანობაზე ორიენტირებულ სოციალურ, პოლიტიკურ და ეკონომიკურ ცვლილებებს.

ჩვენ, ქვიარ ადამიანებს გვჭირდება, ხმამაღლა ვისაუბროთ ჩვენს პრობლემებზე. გვჭირდება, რომ ჩვენი ოჯახის წევრებს, მეგობრებს, კოლეგებს, თანამოქალაქეებს და სახელმწიფოს გავაგონოთ ჩვენი ხმა!

ჩვენ, ქვიარ ადამიანების დედები ვამაყობთ ჩვენი შვილებით და ვერთიანდებით მათ მხარდასაჭერად. გვარდარდებს ჩვენი შვილების მომავალი და გული შეგვტკივა იმ უსამართლო გარემოზე, რომელშიც მათ უწევთ ცხოვრება. ჩვენ გვსურს, რომ ჩვენი ხმაც გავაგონოთ საზოგადოებას და სახელმწიფოს!

ამავდროულად, ჩვენ, ამ ქვეყნის მოქალაქეები, ვიაზრებთ, თუ როგორ გვაზიანებს მთელს საზოგადოებას ერთმანეთის მიმართ უნდობლობა, პოლარიზაცია და სიძულვილი. ჩვენი გახლეჩვა და დაპირისპირება მხოლოდ იმ უსამართლო სისტემას კვებავს, რომელშიც ვცხოვრობთ. არსებული სისტემით მხოლოდ ადამიანთა მცირე ჯგუფები სარგებლობენ, უმრავლესობა ჩვენგანი კი ვკარგავთ თავისუფლებას, ვსუსტდებით როგორც საზოგადოება და ვცხოვრობთ ისეთ პირობებში, სადაც მუდმივად გადარჩენისთვის გვიწევს ბრძოლა.

მოქალაქეებმა და სოციალურმა მოძრაობებმა არაერთხელ შევძელით მობილიზება, სოლიდარობა და ურთიერთმხარდაჭერა, განსაკუთრებით პანდემიით გამოწვეული კრიზისის პირობებში. ჩვენ ვხედავთ ერთმანეთის საჭიროებებს და ვზრუნავთ, რომ ერთად გავუმკლავდეთ არსებულ გამოწვევებს. ახლა დროა, მთელი საზოგადოება გავერთიანდეთ და ერთად შევქმნათ ისეთი გარემო, სადაც ყველა ადამიანი თანასწორია და ყველას აქვს ღირსეულად ცხოვრების შესაძლებლობა, მიუხედავად სექსუალური ორიენტაციისა თუ გენდერული იდენტობისა.

ჩვენ გვჯერა, რომ გამოსავალი სოლიდარობაშია! ამიტომ, ქვიარ თემის წევრები, ოჯახის წევრები და მხარდამჭერები ხმამაღლა და ამაყად ვაცხადებთ, რომ ჩვენ გამოვდივართ სოლიდარობისთვის!

ჩვენ ერთად მოვითხოვთ სახელმწიფოსგან:

უზრუნველყოს ადამიანზე ორიენტირებული პოლიტიკის წარმოება;

შეასრულოს პოზიტიური ვალდებულება თანასწორი გარემოს შესაქმნელად, ჰომოფობიის, სტიგმისა და დისკრიმინაციის დასაძლევად;

უზრუნველყოს სიძულვილით მოტივირებული დანაშაულების ჯეროვანი გამოძიება და დაიცვას სამართლიანობის პრინციპი;

დაიცვას თითოეული მოქალაქის უსაფრთხოება და გამოხატვის თავისუფლება, მიუხედავად სექსუალური ორიენტაციისა და გენდერული იდენტობისა“, - აღნიშნულია განცხადებაში.

რეგიონი
გორში, 12 ჰექტარზე გაშენებული ცენტრალური პარკის რეაბილიტაცია-რეკონსტრუქცია დასრულდა
ქალაქ გორის ცენტრალური პარკის რეკონსტრუქცია-რეაბილიტაცია დასრულდა
 
განახლებული პარკით უკვე სარგებლობენ ქალაქის მაცხოვრებლები და მისი სტუმრები
 
პარკის ტერიტორია დაიყო სხვადასხვა ტიპის - სპორტულ, კულტურულ და რეკრეაციულ ზონებად. შეიქმნა ისეთი ახალი სივრცეები, რომელიც ბევრად უფრო კომფორტულს ხდის პარკში დასვენებას და დროის გატარებას ახალგაზრდებისთვის, ბავშვებისა თუ მათი მშობლებისათვის
 
რეაბილიტაცია ჩაუტარდა პარკში არსებულ ხელოვნურ ტბასა და 2 შადრევანს, შენობა-ნაგებობებს და საზოგადოებრივ საპირფარეშოებს; მოეწყო ახალი საფეხმავლო ბილიკები, ფანჩატურები, სივრცეები ღია კაფეებისთვის, სკეიტპარკი, ფამფტრეკი და საბავშვო ატრაქციონები
 
„12 ჰექტარზე გაშენებული გორის ცენტრალური პარკის რეაბილიტაცია-რეკონსტრუქცია დასრულდა. პარკმა მოგვცა ყველა ასაკის ადამიანისთვის საინტერესო, სხვადასხვა დანიშნულების სივრცეების მოწყობის შესაძლებლობა. მნიშვნელოვანია ისიც, რომ პარკში შეიქმნა ინფრასტრუქტურა, რომელიც იმართება კერძო სექტორის ჩართულობით. განახლებული პარკით გორს უკვე აქვს დიდი და საინტერესო რეკრეაციული სივრცე, რაც მნიშნელოვანია ყველა ქალაქისთვის,”-ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ გორის ახლად რეაბილიტირებული ცენტრალური პარკის მონახულების შემდეგ განაცხადა
 
პარკის გამწვანებისათვის, 46,793 კვმ ტერიტორიაზე დაირგო ბალახი, 237 ხე და 10,649 მცენარე, დამონტაჟდა საინჟინრო ქსელები კანალიზაციის, წყალმომარაგების და საირიგაციო ავტომატიზებული სისტემებისთვის. თანამედროვე პარკების ანალოგიურად, ტერიტორიაზე ცალკე მოეწყო ძაღლების სასეირნო სპეციალური სივრცე
 
გორის ცენტრალური პარკის განახლებული ინფრასტრუქტურა სრულად ადაპტირებულია შეზღუდული შესაძლებლობის პირებისა და ბავშვის ეტლით მოსარგებლე მშობლებისთვის
 
გორის პარკის რეაბილიტაცია-რეკონსტრუქციის სამუშაოები მსოფლიო ბანკისგან მიღებული სესხის ფარგლებში, 12.2 მილიონ ლარზე მეტით დაფინანსდა.
 
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.