გამთენიას უკრაინის მხარეს მებრძოლი თავისუფალი რუსეთის ლეგიონი რუსეთში შეიჭრა. საბრძოლო მოქმედებები მიმდინარეობს კურსკის ოლქში, სოფელ ტიოტკინოში. შეტაკებებია რუსეთ-უკრაინის საზღვარზე ბრიანსკის ოლქშიც.

რუსეთის საპრეზიდენტო არჩევნების წინ ეს მნიშვნელოვანი პოლიტიკური დარტყმაა კრემლისათვის, რომელიც სრულ პოლიტიკურ სტაბილურობაზე აკეთებს აქცენტს. რთულია იმის თქმა თუ რა იქნება საბოლოო ამოცანა უკრაინის მხარეს მყოფი მებრძოლებისათვის, მაგრამ პოლიტიკურად ასეთი ნაბიჯები მნიშვნელოვანია.