,
თავდაცვის სამინისტროს კლუბმა „არმია“ ფუტსალის ლიგის თასის ფინალში გაიმარჯვა. „არმიამ“ მოწინააღმდეგე „სპორტუნი“ ანგარიშით 5:2 დაამარცხა. „არმია”ფუტსალის ლიგის თასის ფინალში პირველად გავიდა.
ოლიმპიურ სასახლეში ფუტსალის ჩემპიონთა ლიგის თასის გათამაშების ფინალს თავდაცვის მინისტრი ჯუანშერ ბურჭულაძე და თავდაცვის უწყების ხელმძღვანელი პირები დაესწრნენ. გულშემატკივართა შორის იყვნენ ქართველი ჯარისკაცებიც. თამაშის დასრულების შემდეგ თავდაცვის მინისტრმა სამხედრო მოსამსახურეებს გამარჯვება მიულოცა და წარმატება უსურვა.
ფუტსალის ლიგის თასის გათამაშება ყოველ წელს იმართება და ტურნირში უმაღლესი ლიგის გუნდები მონაწილეობენ.
