სასიხარულოა, რომ ძნელბედობის ჟამს ბევრი ჩვენი თანამოაქალაქე სამოქალაქო შეგნების მაგალითებს გვიჩვენებს.

სოციალურ ქსელებში ვრცელდება ლუგარის ლაბორატორიის ლაბორანტის ეკატერინე უგრეხელიძის პოსტი: 

"რომ არ დავპოსტო, არ შემიძლია... ტრანსპორტის სიმცირის გამო, დღეს ტაქსით მომიწია სამსახურში წასვლა (ლუგარში).

აქ მუშაობთო, მკითხა ტაქსის მძღოლმა... კი-მეთქი, ვუპასუხე... მე ლუგარის თანამშრომელს ფულს არ გამოვართმევო, ლუგარი დღეს ფრონტის წინა ხაზზეა და მეც ხომ რამე უნდა გავაკეთო ამ ბრძოლაშიო... შუა ხნის მამაკაცი იყო... გული ისე ამიჩუყდა... მაღალი მოქალაქეობრივი თვითშეგნება და პასუხისმგებლობა... საოცარი... აი ასეთი ადამიანების წყალობით გადავიტანეთ ალბათ ამდენი გაჭირვება...

ამ „ბრძოლასაც“ (როგორც მან უწოდა) გადავიტანთ...