“თალიბანის” მხარდამჭერებმა ავღანეთიდან ამერიკელი ჯარისკაცების გასვლის აღსანიშნავად გამართულ საზეიმო მსვლელობაზე ქალაქ ხოსტში ამერიკის, საფრანგეთისა და ბრიტანეთის დროშებში გახვეული კუბოები გაიტანეს.

სოციალურ მედიაში ვრცელდება კადრები, სადაც ჩანს, რომ იმიტირებულ დაკრძალვას უამრავი ადამიანი დაესწრო. ზოგიერთ მათგანს ხელში იარაღი ეჭირა, ზოგი კი „თალიბების“ დროშებს აფრიალებდა.

"31 აგვისტო არის ჩვენი თავისუფლების დღე. ამერიკის საოკუპაციო ძალები და ნატო-ს ძალები ქვეყნიდან გაიქცნენ", - განაცხადა „თალიბანის“ ოფიციალურმა წარმომადგენელმა ყარი საიდ ხოსტიმ.