,
ავღანეთის უნივერსიტეტებში ჯგუფები სტუდენტების სქესის მიხედვით დაიყოფა და ჩაცმის ახალი სტილი დაინერგება, - თქვეს „თალიბებმა“ შარიდ რაბანის უნივერსიტეტში გამართულ ყრილობაზე, რომელსაც სახედაფარული ქალებიც დაესწრნენ.
ქალებს შეეძლებათ სწავლა, თუმცა - არა კაცებთან ერთად. ამასთან, ცნობილია, რომ მათ ჰიჯაბის ტარება მოუწევთ, თუმცა, დაზუსტებით არაა ცნობილია, სავალდებულო იქნება თუ არა, დამატებით, სახეც დაიფარონ.
არსებობს ეჭვი, რომ ეს ქალებს მაინც შეუზღუდავს განათლებაზე წვდომას, რადგან ყველა უნივერსიტეტს არ აქვს რესურსი, ქალებისთვის ცალკე კლასების ჩამოსაყალიბებლად. ამასთან, მოსალოდნელია, ქალების კლასებისთვის, ქალი პედაგოგების საკმარისი რაოდენობის პრობლემა შეიქმნას.
როგორც ყრილობაზე „თალიბანის“ წარმომადგენელმა თქვა, შესაძლოა, ქალებისთვის სწავლების უფლება კაცებსაც მისცენ და მათ შეეძლებათ, „ფარდის უკან მდგომებმა“ წარმართონ სასწავლო პროცესი.
1996-2001 წელს „თალიბანს“ ქალებისთვის სკოლებსა და უნივერსიტეტებში სწავლა ჰქონდა აკრძალული.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
