,
ტაილანდში, ნახონ რატჩასიმაში ჯარისკაცის მიერ მოკლულთა რაოდენობა 20-მდე გაიზარდა. ტაილანდელმა ჯარისკაცმა ჯაკრაფანჰ ტჰომმა თავდაპირველად სამხედო მეთაური მოკლა და სამხედრო ბანაკიდან იარაღი გაიტაცა. მოგვიანებით ის ქალაქის ცენტრში მდებარე სავაჭრო ცენტრში შეიჭრა, ცეცხლი გახსნა და მძევლები აიყვანა.
ეჭვმიტანილი პარალელურად თავდასხმის ფოტოებს „ფეისბუქზე“ ტვირთავდა, ვიდრე მისი გვერდი არ გააუქმეს. ვიდეო მასალაში, რომელსაც სხვადასხვა მედია აჩვენებს, ჩანს რომ სავაჭრო ცეცხლის მიმდებარე ტერიტორიაზე ცეცხლია. სავარაუდოდ ხანძარი გაზის ბალონის აფეთქებამ გამოწივია. ამ დროისთვის სავაჭრო ცენტრის მიმდებარე ტერიტორია გადაკეტილია და შენობიდან სროლის ხმა ისმის.
გავრცელებული ინფორმაციით, თავდამსხმელი ჯერ არ დაუკავებიათ.
ქვეყნდება ვიდეო სავაჭრო ცენტრიდან,სადაც სავარაუდო ეჭვმიტანილია აღბეჭდილი
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
