მთაწმინდის რაიონის გამგეობა ტაბახმელაში, თრიალეთის ქ. N2-ში სპორტულ კომპლექსს აშენებს.
მიმდინარე სამუშაო პროცესს მთაწმინდის რაიონის გამგებელი დავით კირკიტაძე, ფეხბურთის ფედერაციის პრეზიდენტი ლევან კობიაშვილი, ფედერაციის პრეზიდენტის მოადგილე აკაკი ალადაშვილი, თბილისის საკრებულოს მთაწმინდის რაიონის მაჟორიტარი დეპუტატი ზურაბ აბაშიძე, პარლამენტის წევრი დავით კაჭარავა და ფედერაციის წარმომადგენლები გაეცნენ.
სპორტული კომპლექსის ფართობი 7800 კვ. მეტრია და მოიცავს საერთაშორისო სტანდარტების შესაბამის საფეხბურთო და საკალათბურთო მოედნებს, 230 მაყურებელზე გათვლილ ტრიბუნას, ტექნიკურ შენობას გასახდელებითა და სხვა საჭირო სივრცეებით, საპარკინგე სივრცეს. ასევე, კომპლექსი სრულად ადაპტირებული იქნება შშმ პირებისთვის (მოეწყობა ლიფტი).
პროექტის საერთო ღირებულება 3 769 000 ლარს შეადგენს. სამუშაოებს მთაწმინდის რაიონის გამგეობის დაკვეთით შპს „კვადრელი” ასრულებს.
სპორტული კომპლექსის მშენებლობა 2025 წელს დასრულდება.
