სამგორის რაიონში, სოფელ დიდ ლილოში სპორტული სივრცე მოეწყობა.
პროექტის ფარგლებში, არჩილ მეფის ქუჩის N5-ში, 3220 კვ.მ ფართობზე მოეწყობა ხელოვნურსაფარიანი ფეხბურთის მოედანი, მაყურებელთა ტრიბუნა, რომელიც 120 ადამიანზეა გათვლილი და ადაპტირებულია შშმ პირთათვის. ასევე, მოეწყობა მცირე ზომის გასახდელები, რომლებიც აღიჭურვება შესაბამისი ინვენტარით.
ტერიტორიაზე ასევე გათვალისწინებულია 200 კვ მ ფართობის პადელის მოედნის, სატრენაჟორო სივრცის და სარბენი ბილიკის მოწყობა.
სამუშაოები წელს დაიწყება და 2026 წლის ნოემბრის ბოლოს დასრულდება.
მიმდინარე სამუშაოებს სამგორის რაიონის გამგებელი კახა სამხარაძე ადგილზე გაეცნო.
