“აზოვის” პოლკის მეთაურის მოადგილე, სვიატოსლავ პალამარი აცხადებს, რომ პოლკის მეთაურები მარიუპოლში, „აზოვსტალის“ ფოლადის ქარხნის ტერიტორიაზე რჩებიან.

ამის შესახებ პალამარმა ვიდეომიმართვაში განაცხადა, რომელიც „ტელეგრამზე“ გავრცელდა.

პალამარი არ საუბრობს ოპერაციის დეტალებზე, თუმცა მიმართვაში მსოფლიოს და უკრაიანას მადლობას უხდის.

„85-ე დღეა ომის, მე და მეთაურობა აზოვსტალის ქარხნის ტერიტორიაზე ვიმყოფებით, გრძელდება გარკვეული ოპერაცია, რომლის დეტალებზეც მე არ ვისაუბრებ. მადლობა მთელ მსოფლიოს, მადლობა უკრაინას, შევხვდებით“,- განაცხადა მან.