,
ამერიკული ცნობილი საინფორმაციო-ანალიტიკური სააგენტოს „ესოშეითედ პრესის“
(Associated Press) ვებ-გვერდზე გამოქვეყნებულია სტატია სათაურით „გამოცდილი და პროგნოზირებადი: ვლადიმერ პუტინს ამერიკის პრეზიდენტად ჯო ბაიდენი ურჩევნია’ (ავტორი - დევიდ სმიტი).
გთავაზობთ პუბლიკაციას:
„რუსეთს ურჩევნია შეერთებული შტატების პრეზიდენტმა ჯო ბაიდენმა გაიმარჯვოს არჩევნებში, ვიდრე დონალდ ტრამპმა“, - განაცხადა რუსეთის პრეზიდენტმა ვლადიმერ პუტინმა. რუსი ლიდერის თქმით, ჯო ბაიდენი დონალდ ტრამპზე უფრო მეტად გამოცდილი და პროგნოზირებადი პიროვნებას წარმოადგენს - მიუხედავად იმისა, რომ მოსკოვი კატეგორიულად არ ეთანხმება ამჟამინდელი ადმინისტრაციის პოლიტიკას.
ვლადიერ პუტინმა ეს კომენტარი 14 თებერვალს რუსეთის ფედერალური სახელმწიფო ტელევიზიისთვის მიცემულ ინტერვიუში გააკეთა.
სხვათა შორის, ეს პირველი შემთხვევაა, როცა რუსეთის პრეზიდენტმა ამერიკის მოახლოებული საპრეზიდენტო არჩევნების შესახებ ისაუბრა, რომელშიც ჯო ბაიდენი, სავარაუდოდ, დონალდ ტრამპს დაუპირისპირება.
არჩევნებს ფონად გასდევს რუსეთსა და დასავლეთს შორის გამწვავებული ურთიერთობა და ღრმა უთანხმოება თვითონ ამერიკის შიგნით იმაზე, თუ როგორ უნდა დაეხმაროს ვაშინგტონი უკრაინას რუსეთის მიერ დაწყებულ ომში გასამარჯვებლად.
„რა თქმა უნდა, ჩვენთვის უმჯობესია აშშ-ის პრეზიდენტად ჯო ბაიდენი დარჩეს - იგი ძველი ფორმირების პოლიტიკოსია“, - უპასუხა ვლადიმერ პუტინმა კითხვას, რომელი კანდიდატი იქნებოდა უკეთესი რუსეთისთვის, - „მაგრამ ჩვენ, რასაკვირველია, ვიმუშავებთ შეერთებული შტატების ნებისმიერ ლიდერთან, რომელსაც ამერიკელი ხალხი ენდობა”.
ვლადიმერ პუტინისგან ასეთი სიტყვები ჯო ბაიდენის იშვიათი ქებას წარმოადგენს, განსაკუთრებით იმის გათვალისწინებით, რომ ჯო ბაიდენი პუტინის მკაცრი კრიტიკოსია.
სხვათა შორის, ოთხშაბათს ღამით გამართულ საარჩევნო კამპანიის ერთ-ერთ ღონისძიებაზე, დონალდ ტრამპმა მოიწონა ვლადიმერ პუტინის კრიტიკა და თქვა: „პუტინი ჩემი ფანი არ არის“.
წყარო: https://apnews.com/article/russia-putin-biden-trump-fb2fece0be7685624a3e3e379a8a3bd3
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
