საქართველოს კულტურისა და სპორტის სამინისტროს, თბილისის მერიის მხარდაჭერითა და ეროვნული ფედერაცია „სპორტი ყველასათვის“ ორგანიზებით სპორტის საერთაშორისო დღესთან დაკავშირებით კიკვიძის პარკში საზეიმო ღონისძიება მოეწყო.
ღონისძიებაში მონაწილეობა მიიღო თხუთმეტზე მეტმა სპორტულმა ფედერაციამ. კიკვიძის პარკში წარმოდგენილი იყო სხვადასხვა გასართობი თამაში და სპორტის სახეობა, კერძოდ:
• მაგიდის ჩოგბურთი;
• ბავშვთა სახალისო ფარიკაობა;
• ბავშვთა ძიუდო;
• სახალისო ხელბურთი;
• უშუ;
• ფრენბურთი, მაგიდის ფრენბურთი;
• ბეისბოლი;
• ამერიკული ფეხბურთი;
• ფრისბი;
• ბადმინტონი;
• მკლავჭიდი;
• ქართული ტრადიციული სახეობები;
• სამაგიდო თამაშები (ჭადრაკი, ნარდი, შაში, გო);
• მხიარული თამაშები ანიმატორებთან ერთად.
„სპორტის საერთაშორისო დღე განვითარებისა და მშვიდობისათვის“ 6 აპრილს აღინიშნება. ეს თარიღი გაეროს გენერალურმა ასამბლეამ 2013 წლის აგვისტოში დაადგინა, 2014 წლის 6 აპრილს კი საერთაშორისო ოლიმპიურმა კომიტეტმა მხარი დაუჭირა ამ ღონისძიების აღნიშვნას.
