სპეცოპერაცია ქუთაისში – დაკავებულია 7 ადამიანი, მათ შორის, ერთ-ერთი ბაზრის დირექტორი დააკავეს

Date: 1356

ქუთაისში, სპეცოპერაციის შედეგად 7 პირი დააკავეს. ინფორმაციას "ინფო იმერეთი" ავრცელებს.

დაკავებულთა შორისაა “ტაბახმელა 2023”-ის დირექტორი.

სპეცოპერაციის შედეგად დაკავებულებიდან ერთს “ქურდული სამყაროს” წევრობას ედავებიან, დანარჩენების დაკავების ზუსტი მიზეზი ჯერჯერობით უცნობია.

“ინფო იმერეთის” ინფორმაციით, აღნიშნულ პირებს ქუთაისთან ახლოს, ბაზართან შპს “ტაბახმელა 2023”-სთან ჰქონდათ კავშირი.

ქუთაისში და მის მიმდებარედ ორი დიდი სასაწყობე აგრარული ბაზარია, დასაქმებულებთან დაკავშირებით კი ადმინისტრაციას შიდა კონკურენცია ჰქონდა და იქ მყოფი ადამიანების გადმობირება სურდათ. არსებული ინფორმაციით, ბოლო თვე-ნახევრის განმავლობაში ე.წ. ნიკეას ბაზრიდან დასაქმებულებს ტაბახმელას ბაზარში გადასვლას აიძულებდნენ.

World

კრემლმა დონბასში ბუფერული ზონის შექმნის იდეა უარყო- პესკოვმა განაცხადა, რომ მოსკოვი უკრაინის ოკუპირებულ ტერიტორიებს რუსეთის ნაწილად მიიჩნევს

როგორც ჩანს, რუსეთი უკრაინასთან ომის გაგრძელებას წლობით აპირებს და კრემლი არც დონბასის რეგიონის დაკავების შემთხვევაში გეგმავს შეჩერებას.

კრემლმა დონბასში ბუფერული ზონის შექმნის იდეა უარყო- პესკოვმა განაცხადა, რომ მოსკოვი უკრაინის ოკუპირებულ ტერიტორიებს რუსეთის ნაწილად მიიჩნევს:

“მშვიდობა არ იქნება, კრემლმა ომის შეწყვეტის წინადადება უარყო: ჩვენ არ გვჭირდება ბუფერული ზონა, რადგან დონბასი რუსეთის ფედერაციის ტერიტორიაა”…

რუსეთი ომის დასასრულებლად ითხოვს:

1. ყირიმისა და დონეცკის, ლუგანსკის, ზაპოროჟიესა და ხერსონის ოლქების ოკუპირებული ნაწილების რუსეთის ტერიტორიის ოფიციალურად აღიარებას.

2. უკრაინის ნეიტრალური სტატუსის გამყარებასა და ნატოში გაწევრიანებაზე უარის თქმას.

3. უკრაინის შეიარაღებული ძალების რაოდენობის შემცირებასა და მათი საბრძოლო შესაძლებლობების შეზღუდვას.

4. უკრაინისთვის დასავლური შეიარაღების მიწოდებისა და სადაზვერვო მონაცემების გადაცემის შეწყვეტას.

5. რუსული ენის სტატუსის გაფართოებასა და რუსულენოვანი მოსახლეობისთვის დამატებითი გარანტიების მიცემას.

6. უკრაინის მიერ რუსეთისთვის რეპარაციების გადახდის მოთხოვნაზე უარის თქმას.