,
სომხეთის ეროვნული ასამბლეის სხდომათა დარბაზში მომიტინგეები შეიჭრნენ, - ამის შესახებ ინფორმაციას სომხური მედია ავრცელებს.
მათივე ინფორმაციით, სამართალდამცავებს მომიტინგეებისთვის წინააღმდეგობა არ გაუწევიათ. სხვა საკითხებთან ერთად, ისინი სომხეთის შეიარაღებული ძალების გენერალური შტაბის უფროსთან, ონიკ გასპარიანთან შეხვედრას ითხოვენ.
გავრცელებული ინფორმაციით, მომიტინგეების დიდი ნაწილი სომხეთის პრეზიდენტის რეზიდენციის წინაცაა შეკრებილი. ზოგიერთი მედია საშუალება ასევე ავრცელებს ინფორმაციას იმის შესახებ, რომ მოქალაქეების ნაწილი სამთავრობო შენობაში შეიჭრა.
ერევანში შეკრებილმა დემონსტრანტებმა სომხეთის პარლამენტის სპიკერს არარატ მირზოიანს სცემეს, რომელიც საავადმყოფოშია გადაყვანილი, - ამის შესახებ ინფორმაციას Interfax-ი ავრცელებს.
გამოცემის ცნობით, სომხეთის პრემიერ-მინისტრის აპარატის უფროსმა ედუარდ აღაჯანიამა სოციალურ ქსელ „ფეისბუქში“ პოსტი გამოაქვეყნა, სადაც აღნიშნულია, რომ სპიკერი დაშავებულია, თუმცა მის სიცოცხლეს საფრთხე არ ემუქრება.
პრემიერ-მინისტრმა ნიკოლ ფაშინიანმა კი განაცხადა, რომ მირზოიანს ოპერაცია უტარდება.
გავრცელებული ინფორმაციით, ერევანში შეკრებილმა მომიტინგეებმა მირზოიანი ავტომობილიდან ძალის გამოყენებით გადაიყვანეს და სცემეს.
მოქალაქეები მთიან ყარაბაღში საბრძოლო მოქმედებების შეწყვეტის შესახებ შეთანხმებას აპროტესტებენ, რომელსაც სომხეთის პრემიერ - მინისტრმა ნიკოლ ფაშინიანმა რუსეთისა და აზერბაიჯანის პრეზიდენტებთან ვლადიმერ პუტინთან და ილჰამ ალიევთან ერთად მოაწერა ხელი.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
