,
სომხეთის პრემიერ-მინისტრმა ნიკოლ ფაშინიანმა მთიანი ყარაბაღში საომარი მოქმედებების შეწყვეტის შესახებ შეთანხმების გაფორმების შემდეგ მოსახლეობას Facebook-ის პირდაპირ ეთერში მიმართა და თავისი გადაწყვეტილება განმარტა.
ფაშინიანის თქმით, მას სხვა გამოსავალი არ ჰქონდა. პრემიერ-მინისტრის განმარტებით, ეს გადაწყვეტილება ფრონტზე შექმნილი სიტუაციის და იმ ადამიანების შეფასების საფუძველზე მიიღეს, რომლებიც სამხედრო სიტუაციას ყველაზე კარგად იცნობენ.
„ახლა ვერ გეტყვით, რატომ მოხდა ასე. ამას ვერ გეტყვით იმიტომ, რომ საფრთხის ქვეშ არ დავაყენო ბევრი ადამიანის სიცოცხლე. ეს პირდაპირ გავლენას მოახდენს სამხედრო მოქმედებებზე“, - განაცხადა ნიკოლ ფაშინიანმა.
ამასთა, სომხეთის პრემიერმა მკაცრად გააკრიტიკა დემონსტრანტები, რომლებიც საკანონმდებლო ორგანოში შეიჭრნენ და პარლამენტის სპიკერს ცემეს. მისი თქმით, ასეთი ქმედებებით აქციის მონაწილეები დარტყმას იმ სამხედროებს აყენებენ, ვინც ამ დრომდე ფრონტის ხაზზე არიან. მოძალადეებს ფაშინიანი პასუხისმგებლობაში მიცემით, მდიდარ მაღალჩინოსნებსა და ოლიგარქებს კი, რომლებიც მისი თქმით, ვითარების დესტაბილიზაციას ცდილობენ, ქონების ჩამორთმევით ემუქრება.
მანამდე ნიკოლ ფაშინიანმა მთიან ყარაბაღში საომარი მოქმედებების შეწყვეტა გამოაცხადა. სომხეთის პრემიერის განცხადებით, მან აღნიშნულ განცხადებას ხელი რუსეთისა და აზერბაიჯანის პრეზიდენტებთან ერთად მოაწერა.
იგივე მიზეზი მოყავს არგუმენტად არაღიარებული მთიანი ყარაბაღის ლიდერ არაიკ არუთუნიანის.
არსებული მძიმე მდგომარეობის, სამომავლოდ დიდი ადამიანური დანაკარგისა და არცახის სრულად დაკარგვის თავიდან აცილების მიზნით, ომის შეწყვეტასთან დაკავშირებით თანხმობა გავეცი, - ნათქვამია მის განცხადებაშია, რომელიც არაიკ არუთუნიანმა Facebook-ზე გამოაქვეყნა.
მისი თქმით, სომხეთის პრემერ-მინისტრ ნიკოლ ფაშინიანთან ერთად საომარ მოქმედებებს მთელი დღის განმავლობაში განიხილავდა.
„ღრმა მწუხარებას და პატივისცემას გამოვხატავ დაღუპულთა ოჯახის წევრების და მთელი ქვეყნის წინაშე. ჩვენ კიდევ გვექნება დრო ჩვენი დაღუპული გმირების ნათესავებთან დიალოგისთვის“, - აცხადებს არუთუნიანი.
