,
აზერბაიჯანის შეიარაღებულმა ძალებმა სომხეთ-აზერბაიჯანის საზღვრის ერასხის მონაკვეთზე დისლოცირებულ სომხეთის პოზიციებს ცეცხლი გაუხსნა, - სომხური მედიის ინფორმაციით, ამის შესახებ ქვეყნის თავდაცვის უწყებაში აცხადებენ.
„19 ივლისს გვიან საღამოს და 20 ივლისის ღამით, 02:00 საათამდე, აზერბაიჯანის შეიარაღებული ძალები ერასხის მონაკვეთზე დისლოცირებული სომხურ პოზიციების მიმართულებით ისროდნენ, ყუმბარმტყორცნების გამოყენების გარეშე.
სომხური მხარის მხრიდან ერასხის თემის ხელმძღვანელი რადიკ ოგიკიანი დაიჭრა. ამ დ
როს ის ორგანიზებას უწევდა აზერბაიჯანის მოქმედებების შედეგად ტერიტორიაზე გაჩენილი ხანძრის ჩაქრობის სამუშაოებს.
სომხეთის შეიარაღებული ძალები აცხადებს, რომ კონტაქტის ხაზზე არანაირ ცვლილებას არ დაუშვებს”, - ნათქვამია სომხეთის თავდაცვის უწყების განცხადებაში.
თავის მხრივ განცხადებას ავრცელებს აზარბაიჯანის სამხედრო უწყებაც - აზერბაიჯანის არმიის პოზიციებს ნახიჩევანის ავტონომიური რესპუბლიკის სადარაქის რაიონის მიმართულებით სომხეთის ტერიტორიიდან ცეცხლი გაუხსნეს.
მათივე ინფორმაციით, თავდასხმას აზერბაიჯანულმა მხარემ საპასუხო ცეცხლით უპასუხა.
„აზერბაიჯანის არმიაში არავინ დაშავებულა“, - აცხადებენ თავდაცვის უწყებაში.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
