ზღვისუბნის დასახლება, მე-3 მრ, მე-4 კვ, N57 კორპუსის მიმდებარედ მოსასვენებელი სივრცე რეაბილიტირდა
პროექტის მიხედვით, 300 კვ.მ ფართობზე ინფრასტრუქტურული და გამწვანების სამუშაოები შესრულდა. დამონტაჟდა საბავშვო-გასართობი ატრაქციონის კომპლექტი. მოეწყო საფეხმავლო ბილიკები, სარწყავი სისტემა და ელექტრო გაყვანილობის ქსელი. დაიდგა მოსასვენებელი სკამები და ნაგვის ურნები.
განხორციელებული სამუშაოებისთვის ნაძალადევის რაიონის გამგეობის ბიუჯეტიდან 45 000 ლარი დაიხარჯა.
