,
რუსეთის კრასნოდარის მხარეზე დრონებით თავდასხმა განხორციელდა, სოჭში აფეთქებების ხმები ისმოდა, - ინფორმაციას ადგილობრივი „ტელეგრამ“ არხები ავრცელებენ.
კრასნოდარის მხარის ოპერატიული შტაბის ცნობით, დრონის ნამსხვრევების ჩამოვარდნის შედეგად ერთი ქალი დაიღუპა, მეორე კი მძიმედ დაშავდა.
ამასთან, სირიუსის ფედერალური ტერიტორიის ადმინისტრაციის ხელმძღვანელის, დიმიტრი პლიშკინის ინფორმაციით, დრონით თავდასხმა განხორციელდა ნავთობის საცავზე.
თვითმხილველების განცხადებით, სოჭის სხვადასხვა ნაწილში 20-მდე აფეთქების ხმა გაისმა.
ადლერში, სოჭის საერთაშოირისო აეროპორტის ნავთობ-ბაზაზე თავდასხმაში ჩართული უკრაინული დრონების სავარაუდოდ მარშრუტი, გეოლოკაციური ანალიზის მიხედვით - უკრაინულმა დრონებმა, ზღვიდან შეაღწიეს საქართველოს საჰაერო სივრცეში, აფხაზეთის თავზე, შემდეგ სოფ.განთიადის გადაფრენით გადაკვეთეს რუსეთის საზღვარი და გაემართნენ ადლერისკენ, სადაც წარმატებით დაარტყეს მიზანს.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
