18:12,
04/07
თანამედროვე სამყაროში სმარტფონები არა მხოლოდ კომუნიკაციის, არამედ სოციალიზაციისა თუ გართობის ერთ-ერთი საშუალებაცაა, რომლებიც მუდმივად იხვეწება, იცვლება და სხვადასხვა ფუნქციებს იძენს. სმარტფონების დახვეწისა და გაუმჯობესების კვალდაკვალ, ცხადია ამ მოწყობილობებზე მოთხოვნა სულ უფრო იზრდება. მსოფლიოში ყოველწლიურად მილიარდზე მეტი სმარტფონი იყიდება, პლანეტის მოსახლეობა კი მუდმივად უახლესი ფუნქციების ძიებაშია. მზარდი მოთხოვნის კვალდაკვალ, ცხადია, იზრდება სმარტფონების მწარმოებლების შემოსავლებიც, რის შედეგადაც ისინი მსოფლიოს უმდიდრესი კომპანიების რიგებში ირიცხებიან.
სმარტფონების მწარმოებელ უმდიდრეს კომპანიებს შორის Apple პირველობას კვლავაც არ თმობს. აღსანიშნავია, რომ ამ წლის დასაწყისიდან დღემდე კომპანიის აქციების ფასი 47%-ით გაიზარდა, სულ რამდენიმე დღის წინ კი, ფასმა ყველა დროის მაქსიმუმს მიაღწია და 184 დოლარი შეადგინა. ამჟამად Apple-ს საბაზრო კაპიტალიზაცია 2.8 ტრილიონ დოლარს აღემატება და სხვათა შორის, რეიტინგში ერთადერთი კომპანიაა, რომლის ღირებულებაც ტრილიონს აჭარბებს. კალიფორნიაში დაფუძნებული ტექნოლოგიური კომპანია სმარტფონების ბაზარზე 2007 წელს, iPhone-ის გამოშვებით შევიდა. iPhone-მა მისი ინოვაციური დიზაინით, სენსორული ინტერფეისითა და განვითარებული შესაძლებლობებით მობილური ტელეფონების ინდუსტრიაში რევოლუცია მოახდინა. წელს Apple ახალ მოდელებს, iPhone 15 Pro-სა და Pro Max-ს გამოუშვებს, რომელთაც, გავრცელებული ინფორმაციით, გაზრდილი ოპერატიული მეხსიერება და 3-ჯერ სწრაფი გადაცემის სიჩქარე ექნება.
362 მილიარდი დოლარის საბაზრო კაპიტალიზაციით სმარტფონების მეორე უმდიდრესი კომპანი არის Samsung. სამხრეთკორეული კომპანია სმარტფონების ფართო არჩევანითაა ცნობილი, მათ შორის ყველაზე პოპულარული Galaxy სერიაა. Samsung-ს სმარტფონების გლობალური ბაზრის მნიშვნელოვანი წილი უკავია და Apple-ის მთავარ კონკურენტად განიხილება. Galaxy-ის ხაზის სმარტფონებს უახლესი ტექნოლოგია, ძლიერი სამუშაო რეჟიმი და ინოვაციური ფუნქციები გამოარჩევს. Samsung-ის გამორჩეულ მოდელებს შორისაა Galaxy S20 და უახლესი Galaxy S21.
154 მილიარდ დოლარად ფასდება კომპანია Huawei და ამ მაჩვენებლით ის რეიტინგში მესამე ადგილს იკავებს. სმარტფონების ჩინური მწარმოებელი ბაზარზე 2000-იანი წლების დასასრულს გამოჩნდა და მსოფლიოში სმარტფონების ერთ-ერთი უდიდესი მწარმოებლის სტატუსი მოიპოვა. Huawei განსაკუთრებით ძლიერი ბაზრით ჩინეთში გამოირჩევა, თუმცა სხვა ქვეყნებშიც განაგრძობს განვითარებას. ბრენდის წამყვან მოდელებს შორისაა Huawei Mate და Huawei P სერიის სმარტფონები. ცნობისთვის, Huawei-ის მოდელები ოპერაციულ სისტემა HarmonyOS-ზე მუშაობს.
სმარტფონების უმდიდრეს მწარმოებელ კომპანიებს შორის მეოთხე ადგილს Sony იკავებს, რომლის საბაზრო ღირებულებაც 124 მილიარდ დოლარს შეადგენს. იაპონური კონგლომერატი სმარტფონების ბაზარზე 2010 წელს, Sony Xperia სერიის მოდელების გამოშვებით გამოჩნდა, რომელიც შემდგომში ბრენდის ძირითადი ხაზი გახდა. Sony Xperia-ს სმარტფონები თავისი დახვეწილი დიზაინით, მაღალი ხარისხის ეკრანებითა და კამერის მოწინავე ტექნოლოგიებითაა ცნობილი.
ხუთეულში, 37 მილიარდიანი კაპიტალიზაციით ხვდება ასევე Xiaomi. ჩინური ელექტრონული კომპანია სმარტფონების ინდუსტრიაში საკმაოდ სწრაფად ვითარდება. განსაკუთრებით დიდი პოპულარობა ბრენდმა მომხმარებლისთვის ფუნქციებით, მდიდარი და ხელმისაწვდომი საფასო კატეგორიის მოდელების შეთავაზებით მოიპოვა. სხვა ბრენდებთან კონკურენტული ფუნქციებითა და ხელმისაწვდომი ღირებულებით Xiaomi-ის მოდელები ყველაზე მეტად ჩინეთისა და ინდოეთის ბაზრებზე იყიდება. ბრენდის ცნობილ მოდელებს შორისაა Xiaomi Mi-სერიები, Redmi სერია და Poco მოდელები.
რაც შეეხება საქართველოს. მობილური ტელეფონებით ვაჭრობა ქვეყნის ეკონომიკის ერთ-ერთი მნიშვნელოვანი ნაწილია. სმარტფონები საქართველოს ტოპ 10 უმსხვილეს საიმპორტო საქონელს შორის ყოველწლიურად ხვდება. 2023 წლის იანვარ-აპრილში საქართველომ უცხოეთში 113 მილიონი დოლარის ღირებულების მობილური ტელეფონები შეიძინა. საქსტატის ინფორმაციის, ეს 2022 წლის ანალოგიური პერიოდის მაჩვენებელთან შედარებით 40%-ით გაზრდილი მაჩვენებელია.
საქართველო სმარტფონების უდიდეს ნაწილს, მობილურების საბითუმო რეალიზების გლობალური ცენტრიდან - არაბთა გაერთიანებული საამიროებიდან ყიდულობს. მთავარ საიმპორტო ბაზრების ტოპ 5-ში ხვდებიან ასევე: ჩეხეთი, ვიეტნამი, ჰონგ-კონგი და ჩინეთი.
რაც შეეხება ბრენდებს, Statcounter-ის მონაცემებით, საქართველოს ბაზრის, დაახლოებით, 37.75% Samsung-ზე მოდის, Apple-ს სმარტფონებს ბაზრის 27.17% უჭირავს, მესამე ადგილს 18.64%-იანი წილით Xiaomi-ი იკავებს, ხოლო სმარტფონების 4.59% ჰუავეის წარმოებისაა.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
