,
სირიის უსაფრთხოების ძალებმა 330-მდე ალავიტი მშვიდობიანი მოქალაქე მოკლეს. ინფორმაციას DW ავრცელებს.
გავრცელებული ინფორმაციით, ყოფილი პრეზიდენტის, ბაშარ ალ-ასადის მხარდამჭერებთან შეტაკებების დაწყების შემდეგ ძალოვნებმა სიცოცხლეს 330-მდე ალავიტი გამოასალმეს.
სირიის ადამიანის უფლებათა ობსერვატორიის ინფორმაციით, შეტაკებების შედეგად დაღუპულთა რაოდენობა ჯამში 524 ადამიანს აღწევს. მათ შორის უსაფრთხოების სამსახურის ათობით თანამშრომელია.
„მივმართავ უსაფრთხოების ძალებს, არავის მისცენ საშუალება უფლებამოსილებას გადააჭარბონ. ჩვენ განვაგრძობთ დამხობილი რეჟიმის ნარჩენების დევნას და პასუხისგებაში მივცემთ ყველას, ვინც დანაშაულს სჩადის სირიელი ხალხის წინააღმდეგ. ჩვენი ვალია, დავიცვათ სირიელი ხალხი ყოფილი რეჟიმის ნარჩენებისგან“, - განაცხადა სირიის დროებითმა პრეზიდენტმა ახმედ ალ-შაარმა
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
