სირიის უსაფრთხოების ძალებმა 330-მდე ალავიტი მშვიდობიანი მოქალაქე მოკლეს. ინფორმაციას DW ავრცელებს.

გავრცელებული ინფორმაციით, ყოფილი პრეზიდენტის, ბაშარ ალ-ასადის მხარდამჭერებთან შეტაკებების დაწყების შემდეგ ძალოვნებმა სიცოცხლეს 330-მდე ალავიტი გამოასალმეს.

სირიის ადამიანის უფლებათა ობსერვატორიის ინფორმაციით, შეტაკებების შედეგად დაღუპულთა რაოდენობა ჯამში 524 ადამიანს აღწევს. მათ შორის უსაფრთხოების სამსახურის ათობით თანამშრომელია.

„მივმართავ უსაფრთხოების ძალებს, არავის მისცენ საშუალება უფლებამოსილებას გადააჭარბონ. ჩვენ განვაგრძობთ დამხობილი რეჟიმის ნარჩენების დევნას და პასუხისგებაში მივცემთ ყველას, ვინც დანაშაულს სჩადის სირიელი ხალხის წინააღმდეგ. ჩვენი ვალია, დავიცვათ სირიელი ხალხი ყოფილი რეჟიმის ნარჩენებისგან“, - განაცხადა სირიის დროებითმა პრეზიდენტმა ახმედ ალ-შაარმა