მსოფლიოს გარკვეულ ნაწილს სჯერა, რომ მულტფილმმა სახელად სიმფსონები არა ერთი რამ იწინასწარმეტყველა, მაგალითად როგორიცაა:ებოლას ეპიდემია, ნოტერდამის ხანძარი, ტრამპის გაპრეზიდენტება, 11 სექტემბრის ტერაქტი და ბევრი სხვა. აქვს თუ არა ამ წინასწარმეტყველებებს რაიმე საერთო რეალობასთან?! არა.

სერიალი 1989 წელს დაიწყო და დღემდე გრძელდება აქედან გამომდინარე ხალხს სჯერა რომ ამ ხნის განმავლობაში სრულიად შემთხვევითაც კი შეიძლებოდა წინასწარმეტყველება, მაგრამ მოდით ეს საკითხი გვერდზე გადავდოთ და რამდენიმე წინასწარმეტყველება გავარჩიოთ.

ებოლა-საშიში ვირუსი, რომლის ყველაზე დამაზარალებელი "აფეთქება" 2014 წელს მოხდა, მაშინ ხალხმა დაიწყო იმის საუბარი რომ წინასწარმეტყველება იყო სიმფსონებში. 1997 წლის ერთ-ერთ სერიაში ჩნდება წიგნი, რომელიც ვირუს ებოლაზე გვიამბობს, მაგრამ ამაში არაფერია უცნაური, რადგან ვირუსი 1976 წელს აღმოაჩინეს, 1995 წელს კი იყო საკმაოდ სერიოზული "აფეთქება", ამაზე კი წერდნენ ყველგან სადაც შეიძლებოდა, სიმფსონების ამ სერიის გამოსვლის წელსაც იყო ერთ-ერთი "აფეთქება" და არაფერია იმაში გასაკვირი, რომ სერიალში აქტუალური პრობლემაა ნახსენები.

სიმფსონების ერთ-ერთი ყველაზე საინტერესო წინასწარმეტყველებაა ჰიქსის ბოზონის მასა, რომელიც მათ მეცნიერებამდე 14 წლით ადრე გამოთვალეს. სწორედ ასეთი სათაურებით ვრცელდებოდა ამბები ხალხში და მათაც სჯეროდათ, რეალობა კი სრულიად სხვაგვარია.

ერთ-ერთ სერიაში პერსონაჟი ჰომერ სიმფსონი ჰიქსის ბოზონის მასას გამოთვლის და მეცნიერების შედეგებს 7 ჯერ აცდება, მაგრამ საინტერესოა სწორედ ის ფაქტი, რომ მულტფილში ,თუმცა არაზუსტად, მაგრამ მაინც მიახლოებულად გამოთვლილია საკმაოდ რთული ფორმულა, რაც საერთოდ არაა გასაკვირი, რადგან ერთ-ერთი სცენარისტი, დევიდ კოენი, ამასთანავე ფიზიკოსი და კომპიუტერული მეცნიერებების მაგისტრია, ფორმულები იყო მისი იდეა და ამის განსახორციელებლად მან დაურეკა თავის ნაცნობს-დევიდ შიმინოვიჩს, ასტრონომიის პროფესორს, რომელმაც დაწერა მიახლოებითი ფორმულა.

ზუსტად ასე ლოგიკურად და ცოტა შესწავლით აიხსნება სიმფსონების ნებისმიერი წინასწარმეტყველება, მაგრამ ხალხისთვის ბევრად უფრო მარტივია სჯეროდეს იმის, რომ მულტფილმში წინასწარმეტყველობებია, ვიდრე დაიჯეროს ის რომ ისინი მოატყუეს, როგორც ამბობდა მარკ ტვენი-"ხალხის მოტყუება უფრო ადვილია, ვიდრე მათი დარწმუნება, რომ ისინი მოტყუებულები არიან".