,
შრი-ლანკას საპრეზიდენტო არჩევნებში 55 წლის მემარცხენე კანდიდატმა, ანურა კუმარა დისანაიაკემ გაიმარჯვა.
შრი-ლანკას საარჩევნო კომისიის ცნობით, ოპოზიციური ალიანსის, „ნაციონალური სახალხო ძალაუფლების“ ლიდერმა ხმების დაახლოებით 42 პროცენტი მოიპოვა და ის უსწრებს როგორც ოპოზიციის სხვა კანდიდატს, საჯით პრემადასას, ასევე მოქმედ პრეზიდენტს რანილ ვიკრამასინგეს.
„იმედითა და მოლოდინით სავსე მილიონობით თვალი გვიბიძგებს წინ და მზად ვართ გადავწეროთ შრი-ლანკას ისტორია“, - წერს დისანაიაკე სოციალურ პლატფორმა X-ზე.
საარჩევნო კომისიის ცნობით, არჩევნებში ამომრჩეველთა აქტივობამ 76 პროცენტი შეადგინა. კომისიის შეფასებით, ეს იყო „ყველაზე მშვიდობიანი არჩევნები შრი-ლანკის ისტორიაში“. ამ განცხადების მიუხედავად, საარჩევნო უბნების დახურვიდან რამდენიმე საათის შემდეგ, ხელისუფლებამ, საზოგადოებრივი უსაფრთხოების უზრუნველსაყოფად, ქვეყნის მასშტაბით დროებით კომენდანტის საათი დააწესა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
