,
ერთ სულ მოსახლეზე შემოსავალი გვაქვს 10 000 დოლარი, მაგრამ თუ შემდეგი 4-5 წლის განმავლობაში შევძლებთ აღნიშნული ზრდის შენარჩუნებას, რეალისტური არის, რომ შემდეგი 3 წლის განმავლობაში მივაღწიოთ ერთ სულ მოსახლეზე 14 000 დოლარის ოდენობის შემოსავალს, - განაცხადა პარლამენტის ეკონომიკური პოლიტიკის კომიტეტის თავმჯდომარემ, შოთა ბერეკაშვილმა, Eagle Hills-ის ინვესტიციაზე საუბრისას.
მისივე თქმით, ეს ნიშნავს იმას, რომ საქართველო გახდება მაღალი შემოსავლის მქონე ქვეყანა.
„სწორედ ამას ემსახურება აღნიშნული ინვესტიციები. ასევე ემსახურება იმას, რომ ათასობით ახალი, მაღალანაზღაურებადი სამუშაო ადგილი შეიქმნას. მეტი შემოსავლები ჩვენს მოქალაქეებს და მეტი შემოსავალი სახელმწიფოს“, - აღნიშნა შოთა ბერეკაშვილმა.
პარლამენტის ეკონომიკური პოლიტიკის კომიტეტის თავმჯდომარემ ასევე ისაუბრა Emaar ჯგუფის და Eagle Hills-ის დამფუძნებელზე მოჰამედ ალაბარზე და მის მიერ დუბაიში განხორციელებულ ინვესტიციებზეც.
„2005 წელს ვიზიტორთა რაოდენობა დუბაიში შეადგენდა დაახლოებით 7 მილიონ ვიზიტორს, განვითარების იმ ეტაპზე იყვნენ, როგორც ჩვენ ვართ ახლა. ბოლო 20-24 წლის მაჩვენებელი რომ აიღო, ტურისტთა ნაკადი 3-ჯერ გაიზარდა დუბაის შემთხვევაში, თუმცა შემოსავლები გაიზარდა 10-ჯერ. თუკი წელს ჩვენ ტურიზმიდან შემოსავლებს ველოდებით დაახლოებით 4,5 მილიარდის მოცულობით, ჩვენი მოლოდინი არის, რომ შემდეგი 5-6 წლის განმავლობაში აღნიშნული პროექტების რეალიზაციით 3-ჯერ მაინც გაიზრდება“, - განმარტა შოთა ბერეკაშვილმა.
