შეტევა კურსკისა და ბელგოროდის ოლქებზე და მდგომარეობა უკრაინაში [შეჯამება

შეტევა კურსკისა და ბელგოროდის ოლქებზე და მდგომარეობა უკრაინაში [შეჯამება | 19.08.2024] - გიორგი კობერიძე

თარიღი: 917

- კურსკის ოლქში რუსი ოფიცრების გაქცევის შემდეგ არაერთი შემთხვევა დაფიქსირდა რუსი სამხედროებისა და გაწვეულების მხრიდან ერთმანეთთან დაპირისპირების, დახოცვისა და ჩაბარებისა. ასეთ დროს წესრიგის რღვევასთან ერთად ქაოსი ბუნებრივად ისადგურებს ხოლმე. მაგრამ მოდით დეტალურად გავაანალიზოთ თუ რა ხდება რუსულ არმიაში და რატომ მოხდა რომ კურსკის ოლქში რუსული არმია ასეთ კატასტროფულ შედეგებს აჩვენებს.

ახლანდელი რუსული არმია შედგება ოთხი ძირითადი ჯგუფისგან:

1. პროფესიონალური არმია - საკუთარი ნებით საკონტრაქტო სამსახურში მყოფი სამხედროები;

2. მობილიზებულები - ადამიანები, რომელთაც გავლილი აქვთ სამხედრო სამსახური და ახლა ხელმეორედ გაწვეულ იქნენ მთავრობის მიერ. მათი ასაკი ხშირად 30-60 წელს შორის მერყეობს;

3. გაწვეული წვევამდელებისაგან - 18-დან 30 წლამდე ახალგაზრდებისაგან;

4. პატიმრებისაგან - ვადაზე ადრე გამოშვებული მსჯავრდებულებისაგან, რომელთა გამოშვებაც იმ პირობით ხდება, რომ მინიმუმ 6 თვეს გაატარებენ ფრონტის ხაზზე, რის შემდგომაც სრულად მოეხსნებათ პატიმრობა.

მაგრამ ნებისმიერი არმიის სუსტი წერტილი სწორედ მესამე პუნქტი - გაწვეული წვევამდელები არიან. გაწვევისაგან თავის არიდება რუსეთში 5000-10000 დოლარი ღირს. აღნიშნული ქრთამი ექიმებსა და კომისრებზე ნაწილდება ხოლმე. მდიდარი ან საშუალო შეძლების მოსახლეობა ამ თანხას იხდის, რის გამოც სავალდებულო სამხედრო სამსახური მოსახლეობის ყველაზე ღარიბი ფენებიდან ივსება ხოლმე, ისიც მეტწილად რუსეთის აღმოსავლური და ჩრდილოკავკასიური რეგიონებიდან.

გაწვეული წვევამდელების მნიშვნელოვან ნაწილს ფიზიკური და ფსიქოლოგიური პრობლემები აწუხებს. მათი დაახლოებით 30% არამდგრადია, 10% ალკოჰოლიკი, 15% კი ზედმეტად გამხდარი. სწორედ ამის გამო ჯერ კიდევ 2000-ან წლებში რუსეთში არსებული არასამთავრობო ორგანიზაციები ჩიოდნენ, რომ რუსულ არმიაში გაწვეულთა უმრავლესობა ბრძოლის თვალსაზრისით ყველაზე უუნარონი იყვნენ. ანუ ჯანმრთელის დაწუნება ხდებოდა, ხოლო პრობლემების მქონე სუსტი ახალგაზრდა ჯანმრთელად ცხადდებოდა.

წვევამდელების კიდევ ერთი პრობლემა ე.წ. "დედოვშჩინაა": გაწვეულთა არმიაში ახალწვეულის უკიდურესი დამცირება, წამება, სექსუალური ძალადობაც კი ჩვეული ამბავია. ხოლო მდიდარი ბიზნესმენები ფულისა და გავლენების გამო გაწვეულ ახალგაზრდებს აუნაზღაურებელი და მონური შრომისთვის იყენებენ - ასუფთავებინებენ თავიანთი ვილების ეზოებს, არგვევინებენ ხეებს, აკრეჭინებენ გაზონს, აშენებინებენ სასტუმროებს და ასე შემდეგ. სწორედ ამის გამო რუსეთის არმიაში ყოველწლიურად ათობით შემთხვევაა სუიციდის ან საკუთარი ოფიცრების დაცხრილვის. ზოგიერთი კი ჯარიდან დახეიბრებულიც კი ბრუნდება ხოლმე.

რუსეთში დღეში გაწვეულ სამხედროს 1.5 ლარს უხდიან. გაწვეულების წვრთნა კი მინიმალურია ხოლმე. მხოლოდ უკიდურესი მორჩილებისა და უკანონო ბრძანების შესრულების სწავლებაზე იხარჯება დიდი დრო. სამაგიეროდ, გაწვეულებს შორის დემორალიზებაა მაღალი. ამას ემატება ისიც, რომ სამხედროს მორალზე მოწინააღმდეგის მდგომარეობაც მოქმედებს. როდესაც ადამიანი ხედავს, რომ მოწინააღმდეგე მასზე უკეთაა ჩაცმული, მეტი საკვები, უკეთესი აღჭურვილობა, კარგი სამედიცინო მომსახურება და ხალხის მხარდაჭერა აქვს, მისი ბრძოლისუნარიანობა კატასტროფულად ქვეითდება. დემორალიზაციის კიდევ ერთი წყარო იყო კადიროველების გამოჩენა, რომლებიც ძალადობდნენ გაწვეულებზე და ადგილობრივ მოსახლეობაზე, ხოლო როგორც კი უკრაინელები შევიდნენ კურსკის ოლქში, ისინი პირველები გაიქცნენ ფრონტის ხაზიდან. შესაბამისად, რა მოტივაცია უნდა ჰქონდეს საშუალო გაწვეულ რუსს? არანაირი. ნაპოლეონი და კლაუზევიცი ერთდროულად აღიარებენ, რომ იმ მხარეს, რომელსაც მაღალი სამხედრო მორალი აქვს დაახლოებით იორმაგებს არმიის მოცულობასო. ამიტომაცაა, რომ არავის სურს რუსულ გაწვევაში მონაწილეობის მიღება და ამიტომაცაა, რომ რუსი გაწვეული ახალგაზრდები მალევე ნებდებიან უკრაინელებს. სხვა თუ არაფერი უკეთეს პირობებშიც კი ხვდებიან ხოლმე.

შეგახსენებთ, რომ საქართველოში შემოჭრისას თვით პროფესიონალ რუს სამხედროებსაც კი გაუკვირდათ რა კარგი პირობები იყო ქართულ არმიაში და ტუალეტების ძარცვაც კი დაიწყეს ("როგორც ბომჟები ასე ვცხოვრობ" - ეს ის ცნობილი სიტყვებია, რომელიც რუსმა სამხედრომ თქვა ქართული ბაზების ძარცვის ფონზე).

მაგრამ აქ სხვა ცვლადიცაა - გაწვეული წვევამდელების მშობლებს ისედაც ძალიან ცოტა ჰქონდათ დასაკარგი და ახლა, როდესაც მათი შვილები ტყვეობაში აღმოჩნდნენ კიდევ უფრო ცოტა აქვთ. მათი მხრიდან მასობრივად წერა და პროტესტი კრემლში აშინებთ. ამიტომაცაა, რომ მოსკოვში ფიქრობენ იპოვონ გამოსავალი ერთის მხრივ როგორ გააჩერონ უკრაინული შეტევა კურსკის ოლქში გაწვეულების მასობრივი გამოყენების გარეშე და მეორეს მხრივ, როგორ გამოიხსნან უკვე დატყვევებულები, რომელთა რაოდენობაც ყოველდღიურად იზრდება.

- უკრაინელებმა დღეს კურსკის ოლქში ჩრდილო-დასავლეთი მიმართულებით განახორციელეს წინსვლა: გლუშკოვოს რაიონში (სუჯას ჩრდილო-დასავლეთით), მდინარე სეიმზე ჩაარღვიეს მესამე ხიდი. შესაბამისად სეიმის აღმოსავლეთ ნაპირზე ჩარჩენილი რუსი სამხედროები იძულებულნი არიან მომარაგება სამხედრო ხიდების - პონტონების - მეშვეობით განახორციელონ. პონტონებს კი უკრაინული არტილერია თავისუფლად სწვდება. რუსეთის გენშტაბს არ სურს ამ ტერიტორიის უბრძოლველად დათმობა (პოლიტიკური მიზეზების გამო: გენშტაბის უფროსს გერასიმოვს ისედაც პრობლემები აქვს შექმნილი), მაგრამ ძალიან მაღალი იქნება იმის ალბათობა რომ ჩარჩენილი რუსი სამხედროების დიდი ნაწილი ან განადგურდეს ან ტყვედ იქცეს.

- სწორედ გლუშკოვოს რაიონში უკრაინელებმა დაიკავეს დასახლება ვიშნიოვკა. ამასთან ბრძოლით მიაღწიეს მდინარე სეიმამდე. რუსებს მოქმედების არეალი ძალიან ეზღუდებათ.

- სუჯას სამხრეთით უკრაინელებმა დაიკავეს დასახლება ბონდერევკა. არადა რუსების გათვლა ბონდერევკას შენარჩუნება იყო შემდგომი კონტრშეტევისათვის. რუსები თავიანთ მარცხს უკრაინული არმიის ელიტის გამოჩენით ხსნიან.

- გუშინ როსტოვის ოლქში, პროლეტარსკის სიახლოვეს დაბომბილი ნავთობტერმინალი არათუ განაგრძობს წვას, არამედ სხვა ნავთობრეზერვუარებსაც გადაედო ცეცხლი. რუსები მის ჩაქრობას ვერ ახერხებენ. საინტერესოა ისიც, რომ ადგილობრივმა მთავრობამ მოსახლეობას შემდგომ ორ კვირაში ქუჩაში გამოსვლისაგან თავის შეკავებისაკენ მოუწოდა. თითქმის ყველა ასპექტში ჩანს, რომ რუსეთი სერიოზული გამოწვევებისათვის სრულიად მოუმზადებელია ხოლმე და მხოლოდ საგარეო ექსპანსიურ ნგრევებშია მზად.

- რუსეთის ტერიტორიაზე, ბაშკირეთში ნავთობქიმიური ქარხანა აფეთქდა. მიზეზი დაბომბვაა, დივერსია თუ შემთხვევითობა ცნობილი არ არის. ქარხანა საბურავებს, პოლიეთილენს, პლასტმასსა და სხვა საჭირო ნივთებს აწარმოებდა.

- უკრაინაში, დონეცკის ოლქში უკრაინელები ქალაქ პორკოვსკისა და მირნოჰრადის გასწვრივ აგებენ თავდაცვის ზღუდეებს. რუსული წინსვლის შეჩერება სავარაუდოდ აქ უნდა მოხდეს. მოსახლეობის ევაკუაცია აქტიურად მიმდინარეობს.

- საინტერესო დაპირისპირებაა ბრიტანეთსა და აშშ-ს შორის. ლონდონი ვაშინგტონს სთხოვს ნუ უზღუდავს უკრაინას ფრთოსანი რაკეტების Storm Shadow-ს რუსეთის ტერიტორიაზე გამოყენებას. Storm Shadow კი ბრიტანული პროექტია (და მისი ანალოგი Scalp ფრანგული), შესაბამისად ბრიტანელებს უკრაინელებისათვის მწვანე შუქი აქვთ ანთებული, მაგრამ არის ვერსია, რომ ბაიდენის ადმინისტრაცია უკრაინას აფრთხილებს, რომ თუკი ისინი ბრიტანულ ფრთოსან რაკეტებს ესვრიან რუსებს ამან შეიძლება ვაშინგტონიდან უკრაინის დახმარების შეწყვეტა გამოიწვიოსო. რეალურად რა ხდება რთული სათქმელია და შესაძლოა ესეც ფსიქოლოგიური ოპერაცია იყოს, რომ მაგალითად "აშშ ვერ აჩერებს უკრაინას მის მოკავშირეებს", მაგრამ არც ისაა გამორიცხული, რომ ბაიდენის ადმინისტრაციაში ძალიან სუსტი მრჩევლები როგორც ჩემბერლენები ისე იქცეოდნენ და მართლაც უკრძალავდნენ რუსეთის ტერიტორიაზე იარაღის გამოყენებას ოფიციალურ კიევს. ზოგიერთი მათგანი შეიძლება ჯერ კიდევ ვერ ხვდება თუ რა სახის ომთან გვაქვს საქმე და რომ მოსკოვის მიზანი მხოლოდ უკრაინის დაპყრობა კი არა დაპყრობის პრეცედენტის შექმნა და დაპყრობითი ომების დაბრუნებაა, რომელიც თავდაყირა დააყენებს არსებულ ისედაც მყიფე საერთაშორისო სამართლებრივ და პოლიტიკურ წესრიგს.

წყარო: გიორგი კობერიძე

კულტურა

კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

უფასო საზოგადოებრივი ტრანსპორტი — მაგალითები ევროპის ქალაქებიდან

სრულად

ქვეყანაში სატვირთო ტრანსპორტის უსაფრთხო პარკირების ადგილების დეფიციტი შეინიშნება

სრულად

71 წლის წინ თბილისის დინამოს და მოსკოვის სპარტაკს შორის გამართული მატჩის დროს, 20 ადამიანი გარდაიცვალა

სრულად