USD 2.6728
EUR 2.8532
RUB 2.8408
თბილისი
შერჩევითი ლოქდაუნი და დისკრიმინირებული ბიზნეს სუბიექტები
თარიღი:  1886

როგორც ცნობილია, საკოორდინაციო საბჭოს გადაწყვეტილებით, 24 დეკემბრიდან 2 იანვრის ჩათვლით შეზღუდვები მხოლოდ ნაწილობრივ იხსნება. 

საბჭოს  განცხადებით "უწყებათაშორისი საკოორდინაციო საბჭო აქტიურად მუშაობდა როგორც ექსპერტებთან, ეპიდემიოლოგიებთან, ასევე ბიზნესის წარმომადგენლებთან, დაწესებული შეზღუდვების 24 დეკემბრიდან შემსუბუქების მიზანშეწონილობაზე“ და სწორედ ამ კონსულტაციების საფუძველზე გადაწყდა,რომ 24 დეკემბრიდან  2 იანვრის ჩათვლით შეზღუდვების შემსუბუქება არ განხორციელდეს სრული მოცულობით.

„ეკონომიკურ გუნდს და პირადად მე არაერთი შეხვედრა და კონსულტაცია გვქონდა სავაჭრო ობიექტებთან და ძალიან დიდი ნაწილი იმ შეზღუდვების და წესების, რაც დღეს გამოცხადდა, სწორედ სავაჭრო სექტორიდან მოდის, - ამის შესახებ ეკონომიკისა და მდგრადი განვითარების მინისტრობის კანდიდატმა ნათია თურნავამ უწყებათაშორისი საკოორდინაციო საბჭოს დასრულების შემდეგ გამართულ ბრიფინგზე განაცხადა და მისი თქმით, სავაჭრო ობიექტები მზად არიან, თავის თავზე აიღონ პასუხისმგებლობა.

გასაოცარი ფაქტია, მაგრამ ხელისუფლების გადაწყვეტილებით, დედაქალაქის ყველა მსხვილ სავაჭრო ობიექტს მიეცა მუშაობის უფლება, გარდა 4 ყველაზე დიდი სუბიექტისა - ლილო მოლი, ე.წ. სადგურის ბაზრობა, ავეჯის სახლი „საბა“ და ე.წ. ელიავას ბაზრობა. გასაოცარი კი აქ ის არის, რომ სწორედ ამ ობიექტებს აქვთ საშუალება ზედმიწევნით დაიცვან ის რეგულაციები, რომელსაც მათ უყენებს ხელისუფლება. თუმცა მათი წინადადებები არავინ გაითვალისწინა და საახალწლოდ მინიმუმ 40-50 ათასი მცირე მეწარმე და ბიზნესმენი მოკლებულია საშუალებას, სხვა თავის კოლეგების თუ კონკურენტების მსგავსად, იყვნენ ბიზნეს აქტიურები და მოახდინონ თავიანთი პროდუქციის თუ მომსახურების რეალიზაცია.

აქვე აღსანიშნავია, რომ ის ტერმინოლოგია, რომლითაც სარგებლობენ ხელისუფლების წარმომადგენლები და რომელზეც აპელირებენ გადაწყვეტილების მიღებისას, საერთოდ არ არსებობს ბუნებაში.

არ არსებობს არანაირი „მოლი“ და არანაირი „სავაჭრო ცენტრი“, საგადასახადო კოდექსში სავაჭრო ცენტრების ტერმინი საერთოდ არ არის, კოდექსის 26-ე მუხლში გაწერილია ბაზრობის სტატუსი - თუ ბიზნესსუბიექტი ფართს 10-ზე მეტ სუბიექტზე  აქირავებს, მაშინ მას ბაზრობის სტატუსი ენიჭება.

ანუ იურიდიულად ყველა სავაჭრო ცენტრს ერთი სტატუსია აქვს, მაგრამ მხოლოდ ერთეულები ზარალდებიან უწყებათაშორისი საბჭოს გადაწყვეტილებით.

კიდევ უფრო საინტერესოა, რომ დაზარალებული ობიექტებიდან ერთ-ერთი -ე.წ. ელიავას ბაზრობა, თითქმის ღია სივრცეშია (15 ჰექტარი) განთავსებული და იქ, მისი სპეციფიური პროფილის გამო, არაპანდემიურ პერიოდშიც  კი 20 კვ.მ-ზე მყიდველთა რიგები არ შეინიშნებოდა.

დღეს ელიავას ბაზრობა ისევ დახურულია, თუმცა მის უშუალო კონკურენტებს სამშენებლო-სარემონტო მასალებით მოვაჭრე ჰიპერმარკეტებს („დომინო“, „გორგია“, „ბრიკორამა“ და სხვ.)  ეს შეზღუდვა არ შეხებია. რაც კიდევ უფრო საკვირველია, ელიავას ბაზრობიდან 1 კილომეტრში მდებარე ე.წ. გამოფენის ბაზრობა, რომელიც ზუსტად იგივე პროდუქციით ვაჭრობს, ლოქდაუნდის მეორე ფაზის განმავლობაში არავის დაუხურავს და ის ჩვეულებრივ ფორმატში აგრძელებდა მუშაობას.

ხელისუფლების გადაწყვეტილებას აპროტესტებს ყველა, ვინც ჩათვალა რომ მათ უსამართლოდ მოექცნენ. ლილოს ბაზრობის წარმომადგენლების თქმით, ამ ერთი კვირის განმავლობაში მუშაობა მათთვის ძალიან მნიშვნელოვანი იყო. მოვაჭრეები ამბობენ, რომ ვირუსის გავრცელების კონტროლი უფრო რთული სწორედ მოლებში იქნება, რადგან დახურული სივრცეა, ხოლო ბაზრობები ღიაა.

ისინი აცხადებენ, რომ მიდგომა დისკრიმინაციულია, რადგან საბანკო ვალდებულებები და ფინანსური პრობლემები ექმნებათ არა მხოლოდ მოლებს, არამედ ჩვეულებრივ ბაზრობებსაც, რაც მთავრობას უნდა გაეთვალისწინებინა.

„ჩვენც ვიცით, რა არის კორონავირუსი, სახლში გვყავს მოხუცები, ბავშვები, ვუფრთხილდებით მათ, თუმცა არსებობა ხომ გვინდა?! საჭმელი არ გვექნება ახალ წელს. ლილოში გამყიდველები დღეში 10 ლარზე მუშაობენ, ჭამა ხომ უნდათ ოჯახებში?! ხვალ მოლები გაიხსნება და გაცილებით მეტი შევიკრიბებით“, - აცხადებენ ლილოს ბაზრობის თანამშრომლები.

აქცია გამართეს „თერგის“ ბაზრობაზე დასაქმებულებმაც. მათი თქმით, თუ სავაჭრო ცენტრები იხსნება, ბაზრობებიც უნდა გაიხსნას.

ელიავას ბაზრობის ერთ-ერთი მეწილე თეა ანდრიაძე მიიჩნევს, რომ თუ მოლებს დართეს გახსნის უფლება, გარკვეული შემსუბუქება ბაზრობებზეც უნდა გავრცელებულიყო. „არსებობს როგორც მაღაზიის ტიპის ბაზრობები, ასევე, არის დახლური ბაზრობები, რადგან მაღაზიებს ხსნიან, შესაძლებელია, მომხდარიყო დიფერენცირება, რომ ელიავას ბაზრობაზეც გახსნილიყო მაღაზიები და არ გახსნილიყო დახლები, რადგან ისინი უფრო მჭიდროდ არის განლაგებული ერთმანეთთან. ელიავაზე 90% მაღაზიებია, ხოლო 10% დახლები; ვფიქრობ, შეიძლებოდა, ამ მაღაზიების მფლობელებისთვის შეღავათი მიეცათ“.

ავეჯის სავაჭრო ცენტრის დირექტორის პაატა კაჭარავას განცხადებით, გასულ კვირას ის იმყოფებოდა სავაჭრო ცენტრების და ეკონომიკის მინისტრის შეხვედრაზე და ჰქონდა მოლოდინი, რომ შეზღუდვების შემსუბუქება მათაც შეეხებოდათ, რადგან „საბაში“ რეგულაციებს იმაზე მეტად იცავდნენ, ვიდრე ამის მოთხოვნა იყო.

„ნათია თურნავასთან შეხვედრაზე ვისაუბრეთ რა დაცვის საშუალებები გვქონდა „საბაში“. „საბას“ კოვიდ-რეგულაციები მაქსიმალურად ჰქონდა დაცული. კერძოდ, გაფილტრული და იონიზირებული ჰაერი მიეწოდება დიდ სავაჭრო სივრცეს, სადაც ჩვენ 40 000 მ2 გვაქვს და ცალკე ინდივიდუალური მაღაზიებია. ჩვენთან 40 მ2-ზე 1 ადამიანია გათვალისწინებული. ამასთან, უფასოდ მიეწოდებათ ნიღბები და სადეზინფექციო ხსნარები. გვაქვს მომხმარებლის შემოწმების ავტომატიზირებული სისტემა, რომელიც პირბადის კონტროლს ახდენს და კარს არ აღებს თუ პირს პირბადე არ უკეთია. ხდება, ასევე, ტერიტორიის დეზინფიცირება. შრომის ინსპექტირების ხელმძღვანელმა გვითხრა, რომ უსაფრთხოების ზომები ჩვენთან სამაგალითო იყო. შეხვედრის შემდეგ გვქონდა მოლოდინი, რომ გაგვხსნიდნენ, მაგრამ ვინაიდან ბაზრობის სტატუსი გვაქვს, ამიტომ შეზღუდვების შემსუბუქება ჩვენზე არ გავრცელდა, თუმცა ჩემთვის გაუგებარია იგივე შეზღუდვები რატომ არ ვრცელდება მოლებზე“, - განაცხადა „საბას“ დირექტორმა.

ხელისუფლების ამ გადაწყვეტილებით უკმაყოფილო არიან, „სავაჭრო კომერციული ცენტრების (ბაზრობების) გაერთიანების“ წევრებიც, რომლებიც ითხოვენ 24 დეკემბრამდე გაითვალისწინონ მათი მოთხოვნებიც სხვადასხვა საგადასახადო შეღავათებთან და ფუნქციონირების ნებართვასთან დაკავშირებით.

ვერ გეტყვით, რამდენად მართებული იყო საკორდინაციო საბჭოს გადაწყვეტილება 24 დეკემბრიდან ლოქდაუნის ნაწილობრივი მოხსნის თაობაზე, მაგრამ ის რომ ხელისუფლების ცალკეული (დაინტერესებული ?!) წევრების ინიციატივით, ადგილი აქვს შერჩევით სამართალს და ცალკეული ბიზნეს სუბიექტების დისკრიმინაციას, ეს კარგად ჩანს, თუნდაც ჩვენს მიერ ზევით მოყვანილი ფაქტებიდან და მოვლენების განვითარებიდან გამომდინარე.

ისედაც რთული პერიოდი (როგორც ეკონომიკური, ისე პოლიტიკური) უდგას ქვეყანას და არც უახლოესი 5-6 თვე იძლევა დადებითი პერსპექტივის განცდას, და ასეთი მოცემულობის პირობებში, მსგავსი მიკერძოებული გადაწყვეტილებების მიღება, კიდევ უფრო ამძიმებს ისედაც მძიმე სიტუაციას და უარყოფით მოლოდინებს ქმნის ბიზნეს წრეებში.

გოგი ლორთქიფანიძე

 

კულტურა
პარიზის წიგნის ფესტივალზე საქართველოს მწერალთა სახლი ეროვნული სტენდით პირველად არის წარმოდგენილი
კულტურის სამინისტროს მხარდაჭერით 12-14 აპრილს საქართველოს მწერალთა სახლი 2024 წლის პარიზის წიგნის ფესტივალზე ეროვნული სტენდით პირველად მონაწილეობს.
Grand Palais Éphémère–ში ფესტივალისა და საქართველოს ეროვნული სტენდის გახსნას მწერალთა სახლის დირექტორი ქეთევან დუმბაძე, საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი და ლიტერატურული სფეროს წარმომადგენლები ესწრებოდნენ.
საქართველოს ეროვნული სტენდის პრეზენტაცია გაიმართა ღონისძიებით - „ჰაგიოგრაფიიდან პოსტმოდერნიზმამდე“. მწერალთა სახლის სტენდის სტუმრებს, ქართული მწერლობის გაცნობასთან ერთად, საინტერესო კალიგრაფიულ აქტივობაში ჩართვის შესაძლებლობა ჰქონდათ. კალიგრაფმა გიორგი სისაურმა მათ ქართული ანბანით დაუწერა სასურველი სიტყვები, გამონათქვამები, ფრაზები, სახელები და ა. შ. ასევე გაიმართა ღონისძიება, სახელწოდებით, „თექვსმეტსაუკუნოვანი უწყვეტი ლიტერატურული პროცესი“, რომელიც განიხილავს ქართულ ლიტერატურას, ქართულ-ფრანგულ ლიტერატურულ ურთიერთობებსა და ქართული და ევროპული ლიტერატურის კავშირს.
პირველ საფესტივალო დღეს გამართულ პანელ-დისკუსიაში მონაწილეობა მიიღეს საქართველოს საგანგებო და სრულუფლებიანმა ელჩმა საფრანგეთის რესპუბლიკაში გოჩა ჯავახიშვილმა და ფრანგული ფილოლოგიის დოქტორმა, პროფესორმა, ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის ფაკულტეტის ხელმძღვანელმა ბელა ხაბეიშვილმა. შეხვედრას ასევე ესწრებოდნენ უცხოელი გამომცემლები, ლიტერატურული აგენტები, მედიის წარმომადგენლები და ქართული სათვისტომოს საპატიო წევრები.
ფესტივალის მსვლელობისას ქართულ სტენდზე დაგეგმილია არაერთი აქტივობა და საქმიანი შეხვედრა - PUBLISHERS MATCHMAKING. შეხვედრის მონაწილეები იქნებიან საქართველოს მწერალთა სახლი, ქართული გამომცემლობები: „სეზან ფაბლიშინგი“, „მედუზა,“ „ბაკმი“ და მთარგმნელები - მაია ვარსიმაშვილი და მაია გიორხელიძე. შეხვედრაზე განიხილავენ ქართული ლიტერატურის კატალოგს. მთარგმნელი დალი იაშვილი წარადგენს მიხეილ ჯავახიშვილის მოთხრობას - „ლამბალო და ყაშა“ და მოთხრობების კრებულს. მთავარ სცენაზე გაიმართება წიგნის - „მზე, მთვარე და პურის ყანა“ წარდგენა. წიგნს წარადგენენ ავტორი - მწერალი და კინორეჟისორი თემურ ბაბლუანი და ეროვნული კინოცენტრის წარმომადგენელი ევროპაში სოფიო ბაბლუანი. ქართველ გამომცემლებთან ერთად საქართველოს სტენდთან იქნებიან ფრანგული გამომცემლობები: LE CHERCHE MIDI, GINGKO, EDITIONS DES CARNETS DU DESSERT DE LUNE, MEDUZA, და იტალიური გამომცემლობა MODERN TIMES, რომლებიც წარმოადგენენ ფრანგულად თარგმნილ კლასიკურ და თანამედროვე ქართულ პროზასა და პოეზიას.
საქართველოს ეროვნულ სტენდზე წარმოდგენილი იქნება ბუკლეტი ქართველი ავტორების 50-ამდე ნამუშევრის სინოპსისითა და ამონაბეჭდებით ისეთი ცნობილი ნაწარმოებებიდან, როგორიც არის „შუშანიკის წამება“, „ვეფხისტყაოსანი“ და სხვა.
აღსანიშნავია, რომ პარიზის წიგნის ბაზრობა ევროპის ერთ-ერთი ყველაზე მნიშვნელოვანი კულტურული მოვლენაა, რომელიც ყოველწლიურად გაზაფხულზე იმართება და მასში მონაწილეობას 1 200 გამომცემელი და 2 000 ავტორი იღებს. საქართველოს წელს პირველად მიეცა საშუალება, საკუთარი სტენდით ჩაერთოს საფესტივალო აქტივობებში.
ფესტივალში ეროვნული სტენდით მონაწილეობა საქართველოსთვის ძალიან მნიშვნელოვანია.
საფესტივალო აქტივობები მწერალთა სახლს, ქართველ მწერლებსა თუ გამომცემლებს დაეხმარება ლიტერატურული ურთიერთობების წარმართვაში, ქართული მწერლობის პოპულარიზაციაში, ახალი კონტაქტების მოძიებასა და მთარგმნელობითი საქმიანობის ხელშეწყობაში.
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.