,
თბილისის მერიის მიერ შემუშავებული ახალი კანონპროექტის მიხედვით, კორპუსის ექსპლუატაციაში შესვლამდე შენობა-ნაგებობაში კომუნიკაციების შეყვანა იკრძალება.
როგორც კერძო სექტორი ამბობს, ცვლილებების მიხედვით, გართულდება პროცესები როგორც სამშენებლო კომპანიიებისთვის, ისე ბინის მესაკუთრეებისთვის, რომლებიც კორპუსების ექსპლუატაციაში შესვლამდე სარემონტო სამუშაოების დაწყებას ვერ შეძლებენ. როგორც კომპანია “რედკოს” დირექტორი მალხაზ კუნელაური ამბობს, დროში გაიწელება პროცესები და გეგმების შეცვლა ბინის მესაკუთრეებთან ერთად მშენებლებსაც მოუწევთ, ეს კი მისი თქმით, ეკონომიკურ პროცესებს შეანელებს.
“ჩვენ აქამდე ვახერხებდით იმას, რომ ობიექტზე კომუნიკაციები, ელექტროენერგია, წყალი და გაზი ჩაგვერთო იმისთვის, რომ მომხმარებლებს შენობის ექსპლუატაციაში მიღებამდე რემონტი გაკეთებინათ. ან თუ დასჭირდებოდათ, ეს ქონება გაეყიდათ.
ამ ყველაფრისთვის შენობის ექსპლუატაციაში მიღება აუცილებელი არ იყო. თუ ჩვენ ყველა ამ პროცესს მხოლოდ ექსპლუატაციის თარიღზე ჩამოვკიდებთ, მაშინ ბიზნესს გეგმების გადალაგება მოუწევს. ეს კი დროში აუცილებლად გაახანგრძლივებს ეკონომიკურ პროცესებს, უფრო შეანელებს ამ პროცესებს.
მომხმარებელსა და მშენებელს შორის პროცესის დაფინანსება, ორივე მხრიდან ხშირად საბანკო კრედიტებით ხდება, ეს ფული კი რაც უფრო დიდხანს იქნება დროში გაწელილი, უფრო ძვირი იქნება. შესაბამისად, ამან შეიძლება პროდუქციის გაძვირება გამოიწვიოს“-ამბობს კომპანია “რედკოს” დირექტორი მალხაზ კუნელაური.
ცნობისთვის, აღნიშნული ცვლილებები „სამშენებლო ამნისტიის“ შესახებ კანონპროექტშია ასახული. როგორც თბილისის მერმა, კახა კალაძემ განაცხადა კანონპროექტი პარლამენტში უკვე ინიცირებულია.
წყარო:bm.ge
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
