,
შეერთებული შტატები ავღანეთის სამთავრობო ძალების მხარდასაჭერად ავია დარტყმებს განაგრძობს, - ამის შესახებ აშშ-ის საზღვაო ძალების გენერალმა კენეტ მაკკენზიმ განაცხადა.
„შეერთებულმა შტატებმა ბოლო რამდენიმე დღის განმავლობაში გაზარდა საჰაერო თავდასხმები ავღანეთის სამთავრობო ძალების მხარდასაჭერად და მზად ვართ, გავაგრძელოთ ეს მხარდაჭერა უახლოეს კვირებში, თუ თალიბები განაგრძობენ შეტევებს“, - აღნიშნა კენეტ მაკკენზიმ ქაბულში გამართულ პრესკონფერენციაზე.
მაკკენზიმ, რომელიც აშშ-ის ცენტრალურ სარდლობას ხელმძღვანელობს, არ დააკონკრეტა, განაგრძობენ თუ არა აშშ-ის ჯარები საჰაერო იერიშებს 31 აგვისტოს შემდეგ, ანუ მას შემდეგ, რაც მათი სამხედრო მისია დასრულდება.
„ავღანეთის მთავრობას წინ გამოცდა აქვს. თალიბები ცდილობენ შექმნან განცდა, რომ მათი სამხედრო კამპანია გარდაუვალია”, - აღნიშნა გენერალმა.
მისი თქმით, თალიბების გამარჯვება გარდაუვალი არაა და პრობლემის პოლიტიკურად გადაჭრა შესაძლებელია.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
