,
პრობლემაა, რომ ევროპელი გადასახადების გადამხდელების ფული, ფონდების გავლით, „დროას“ მეშვეობით ხვდება კორუფციულ სქემებში. ეს არის ნიშანდობლივი: როგორ არის დაკავშირებული ზოგიერთი ევროპული პოლიტიკური ელიტა დავით კეზერაშვილთან, - ამის შესახებ ჟურნალისტებს პარლამენტის თავმჯდომარემ, შალვა პაპუაშვილმა განუცხადა.
„ვხედავთ, რომ ქართული ჯარისგან მოპარული ფულით ფინანსდება რადიკალიზმი საქართველოში. აქ კიდევ ერთი უფრო პრობლემური საკითხია: ელენე ხოშტარიას ასევე აფინანსებენ ევროპული და ამერიკული ფონდებიდან. მე არაერთხელ მქონდა საუბარი ევროპელებთან და ამერიკელებთან, რომ უნდა გააცნობიერონ ერთი რამ: როდესაც ისინი არიან ისეთი ორგანიზაციების თანადამფინანსებლები, როგორიცაა „დროა“ ან „სირცხვილია“, მათთან ერთად თანადამფინანსებელია დავით კეზერაშვილი - სისხლის სამართლის დამნაშავე, რომელმაც ჯერ ქართულ ჯარს მოჰპარა ფული, შემდეგ ევროპელ პენსიონერებს მოჰპარა ფული, დღეს კი თბილად არის მოკალათებული ევროკავშირის საზღვრებში. ეს არის პრობლემა, რომ ევროპელი გადასახადების გადამხდელების ფული, ფონდების გავლით, „დროას“ მეშვეობით ხვდება კორუფციულ სქემებში. ეს არის ნიშანდობლივი: როგორ არის დაკავშირებული ზოგიერთი ევროპული პოლიტიკური ელიტა დავით კეზერაშვილთან“, - აცხადებს პაპუაშვილი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
