,
გურჯაანის მუნიციპალიტეტში მოსული სეტყვის და ძლიერი წვიმის შედეგად, რამდენიმე სოფელი დაზარალდა. ადგილობრივების ინფორმაციით, ძირკოკში, ზიარში, ახაშენსა და ჭადარში სეტყვამ ერთწლიანი და მრავალწლიანი კულტურები გაანადგურა.
დატბორილია შიდა და ცენტრალური მაგისტრალები. მოვარდნილმა ღვარცოფმა დააზიანა გზის გარკვეული მონაკვეთებიც.
წყალმა დატბორა რამდენიმე საცხოვრებელი სახლი სახლი და მერიის შენობის ნული სართული.
ადგილზე უკვე გამოძახებულია სახანძრო- სამაშველო ბრიგადები, რომლებიც წყლის ამოტუმბვის სამუშაოებს დაიწყებენ. ამ წუთებში სტიქიის ზონაში მიემგზავრება კახეთში სახელმწიფო რწმუნებული. გიორგი ალადაშვილი ვითარებას ადგილზე გაეცნობა.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
