,
რუსეთის საგარეო საქმეთა მინისტრი სერგეი ლავროვი უგანდაში ორმხრივ მოლაპარაკებებზე პრეზიდენტ იოვერი მუსევენს შეხვდა. ეს აფრიკის ოთხდღიანი ტურის განმავლობაში მესამე შეხვედრაა, რომელიც დღეს ეთიოპიაში დასრულდება.
„უკრაინის პორტების ბლოკადის შემდეგ, უგანდაში სურსათის ფასები საგანგაშო ტემპით გაიზარდა“, - აცხადებს აღმოსავლეთ აფრიკის წარმომადგენელი საზღვარგარეთული განვითარების კათოლიკური სააგენტოში კატრინ ოგოლა.
მისი თქმით, ”ჩრდილოეთ უგანდასა და კარამოჯას ყველაზე მშრალ რაიონებში მცხოვრები თემები კლიმატის ცვლილების გამო განსაკუთრებით დაუცველები არიან არასტაბილური კვების ბაზრების მიმართ”.
აფრიკის რეგიონში დაახლოებით 48 მილიონი, უგანდაში კი თითქმის 500 000 ადამიანი საკვების დეფიციტს განიცდის.
რუსეთი უგანდასთან და აფრიკის სხვა ქვეყნებთან კავშირების გასაძლიერებლად ძალისხმევას აორმაგებს.
ევროპარლამენტმა ევროკომისიის ახალი შემადგენლობა დაამტკიცა, რომელსაც კვლავ ურსულ ფონ დერ ლაიენი უხელმძღვანელებს.
დადგენილებას ევროკომისიის ახალი შემადგენლობის დამტკიცების შესახებ 370 ევროპარლამენტარმა დაუჭირა მხარი. წინააღმდეგი 282 იყო, ხოლო 36 დეპუტატმა თავი შეიკავა.
ევროკომისიის ახალ შემადგენლობაში 26 ევროკომისარი იქნება. მათ შორისაა ესტონეთის ყოფილი პრემიერ-მინისტრი კაია კალასი, რომელმაც ჟოზეფ ბორელი ჩაანაცვლა.
გაფართოების საკითხებში ევროკომისრის თანამდებობა სლოვენიის წარმომადგენელს მართა კოსს ერგო. მან ამ პოსტზე უნგრელი ოლივერ ვარჰეი ჩაანაცვლა, რომელიც ახალ ევროკომისიაში ჯანდაცვისა და ცხოველების კეთილდღეობის საკითხებს გაუწევს კურირებას.
ევროკომისია საკუთარი მოვალეობის შესრულებას 1 დეკემბრიდან შეუდგება.
