ყველა შეთანხმდა იმაზე, რომ საქართველოსთვის ჩვენს ფორმატში [3+3-ის ფორმატი] კარი ღია რჩება. გვესმის მიზეზი, რის გამოც საქართველოს ხელმძღვანელობა ჯერ თავს იკავებს, რომ ამ „ექვსეულს“ შეუერთდეს, - ამის შესახებ თეირანში 3+3-ის პლატფორმის საგარეო საქმეთა მინისტრების შეხვედრის დასრულების შემდეგ, რუსეთის საგარეო საქმეთა მინისტრმა, სერგეი ლავროვმა განაცხადა.
მისი თქმით, თეირანში გამართული 3+3-ის ფორმატის შეხვედრის მონაწილეები შეთანხმდა იმაზე, რომ საქართველოსთვის პლატფორმის კარი ღია რჩება.
„ყველა შეთანხმდა იმაზე, რომ საქართველოსთვის ჩვენს ფორმატში [3+3-ის ფორმატი] კარი ღია რჩება. გვესმის მიზეზი, რის გამოც საქართველოს ხელმძღვანელობა ჯერ თავს იკავებს, რომ ამ „ექვსეულს“ შეუერთდეს. ვაფასებთ, რომ თბილისი გამოდის ამის მომავალში გაკეთების შესაძლებლობიდან. ყველა გარემოებაში საქართველოს ამჟამინდელი ხელისუფლების ყველა ქმედება უპირველეს ყოვლისა ძირეული ეროვნული ინტერესებიდან გამომდინარეობს, როგორც მათ არაერთხელ დაუმტკიცებიათ. ეს გვაძლევს საფუძველს, ვივარაუდოთ, რომ 3+3-ის სრულფასოვანი ფორმატი შესაძლოა, ახლო მომავალში ამოქმედდეს“, - განაცხადა სერგეი ლავროვმა.
თეირანში გამართული 3+3-ის ფორმატის შეხვედრის მონაწილეები აცხადებენ, რომ პლატფორმა ღიაა საქართველოს თანასწორუფლებიანი მონაწილეობისთვის. ამის შესახებ ნათქვამია თერიანში გამართული 3+3-ის ფორმატის შეხვედრის შემდგომ მიღებულ ერთობლივ კომუნიკეში, რომელსაც ირანის საგარეო საქმეთა სამინისტრო ავრცელებს.