,
აშშ-ის სენატმა მხარი დაუჭირა საკანონმდებლო პაკეტს, რომლის მიზანია გაზარდოს ქვეყნის შესაძლებლობა ჩინური ტექნოლოგიებისთვის კონკურენციის გაწევის კუთხით და შეამციროს ჩინეთის ეკონომიკური ზეგავლენა.
კერძოდ, ორპარტიული კანონპროექტი აშშ-ის ტექნოლოგიებისა და კვლევის გაძლიერებისთვის 190 მილიარდი აშშ დოლარის, ნახევარგამტარებისა და სატელეკომუნიკაციო მოწყობილობების წარმოებისა და კვლევის გაზრდის მიზნით კი - 54 მილიარდი აშშ დოლარის ინვესტირებას ითვალისწინებს.
კანონპროექტი ჩინეთთან დაკავშირებულ სხვა დებულებებსაც შეიცავს, მათ შორის სოციალური მედიის აპლიკაციის TikTok-ის ჩამოტვირთვის აკრძალვას სამთავრობო მოწყობილობებზე და ჩინეთის მთავრობის მხარდაჭერილი კომპანიების მიერ წარმოებული და გაყიდული დრონების შეძენის დაბლოკვას. ის ასევე ითვალისწინებს სანქციების დაწესებას იმ ჩინური კომპანიებისთვის, რომლებიც აშშ-ში განხორციელებულ კიბერ თავდასხმებში, ან ამერიკული კომპანიებისგან ინტელექტუალური საკუთრების მოპარვაში არიან ჩართულები.
კანონპროექტს, რომელიც სენატმა 68 ხმით 32-ის წინააღმდეგ დაამტკიცა.
ახლა ინიციატივა კონგრესის წარმომადგენელთა პალატას გადაეგზავნება, სადაც მსგავსი კანონპროექტი უკვე შეტანილია, მაგრამ ოდნავი განსხვავებებით. კონგრესმენებმა უნდა გადაწყვიტონ, რომელ ინიციატივას დაამტკიცებენ. კანონპროექტი მას შემდეგ ამოქმედდება, რაც მას პრეზიდენტი, ჯო ბაიდენი მოაწერს ხელს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
