1. საქართველოში პირველი ავტომობილი მოძრაობდა სენაკში, რომელიც 1907 წელს აზნაურმა ვარლამ გვათუამ ჩამოიყვანა
2. საქართველოში ერთ-ერთი პირველი თეატრალური დასი სენაკში ჩამოყალიბდა, მათ შორის, შექსპირის პიესები საქართველოში პირველად სენაკის მაზრაში დაიდგა;
3. XIX საუკუნეში ერთ-ერთი პირველი სტამბა სენაკში დაარსდა, სადაც 90-მდე წიგნი, მათ შორის, უკვდავი ,,ვეფხისტყაოსანი“ დაიბეჭდა;
4. რეგიონში პირველი ბიბლიოთეკა და წიგნის მაღაზია ფუნქციონირებდა სენაკში, რომელიც 1891 წელს დაარსდა;
5. 1871 წელს დაიწყო ფოთი-თბილისის რკინიგზის მშენებლობა. სხვადასხვა მიზეზთა გამო, რკინიგზის სადგურის აშენება გადაწყდა თეკლათის ტერიტორიაზე დღევანელი ქალაქ სენაკის ტერიტორიაზე. სწორედ სადგურის მშენებლობამ განაპირობა ქალაქური ტიპის დასახლებული პუნქტის წარმოქმნა ახალ ადგილას, რომელმაც უპირატესობა მალე წაართვა ძველ სენაკს
6. სენაკში მუსიკალური ხელოვნების უდიდესი ტრადიციები არსებობდა, მათ შორის, რეგიონში პირველი სასულე ორკესტრი აქ ჩამოყალიბდა;
7. სამეგრელოში ერთ-ერთი პირველი სკოლა ძველ სენაკში გაიხსნა, სადაც 5 აკადემიკოსი, მათ შორის, კონსტანტინე გამსახურდია გაიზარდა;
8. XIX საუკუნეში რეგიონში უდიდესი ბაზრობა იმართებოდა ძველ სენაკში.
9. ციხე-გოჯის კომპლექსი არის უდიდესი ანტიკური ნაქალაქარი სამხრეთ კავკასიაში, რომელიც 19 ჰა-ზეა გადაჭიმული;
10. შხეფის ციხე-სიმაგრე იყო შუა საუკუნეების ქართული არქიტექტურის უნიკალური ნიმუში სამი განსხვავებული გადახურვის სტილით, სადაც წყალი ზიარჭურჭელის პრინციპით ქვემოდან ზემოთ ადიოდა;
11.სენაკი უდიდესი სულიერი ტრადიციების ქალაქია, სადაც, მათ შორის, XX საუკუნის უდიდესი წმინდანი ალექსი შუშანია მოღვაწეობდა;
12. სენაკის დედათა მონასტერში ინახება ისეთი დიდი სულიერი სიწმინდე, როგორიცაა იოანე ნათლისმცემლის წმინდა ნაწილი;
13. სენაკი იყო რეგიონში ყველაზე მულტიეთნიკური ქალაქი, სადაც ქართველებთან ერთად ებრაელები, ასირიელები და რუსები ცხოვრობდნენ;
14. საქართველოში თერმული წყლების ერთ-ერთი უდიდესი მარაგი მდებარეობს სენაკში, უნაგირას მთის ორივე კალთაზე;
15. ნოქალაქევში მდინარე ტეხური 3 კმ-იან უნიკალურ ანტეცედენტურ ხეობას ქმნის, რომელიც ბუნებისა და კულტურის ძეგლების განსაკუთრებული სიმრავლით გამოირჩევა. ამ ხეობას ყოველწლიურად აფრიკიდან ფრინველთა იშვიათი სახეობაც სტუმრობს;
16. საქართველოში უძველესი, 1500 წლოვანი ცაცხვის ხე იზრდება სოფელ ხორშში, ციზეთის უბანში;
17. სოფელ ჭალადიდში დღემდე ფუნქციონირებს უნიკალური და იშვიათი ტრანსპორტი - სამდინარე ბორანი;
18. წითელი აგურის სახლების არქიტექტურა წარმოადგენს ადგილობრივ თვითმყოფად სტილს, რომელიც სხვაგან არსად გვხვდება;
19. ერთ-ერთი პირველი ქართველი მფრინავი ქალი ნინო ხუბულავა სენაკში, სოფელ ეკში დაიბადა;
20. სენაკის სამხატვრო გალერეა რიგით მე-4 გაიხსნა საქართველოში და ინახებოდა ისეთი ავტორების ნამუშევრები, როგორიცაა გუდიაშვილი, ვარაზი, თოიძე და სხვა;
21. სენაკის დრამატული თეატრი - საქართველოში გამორჩეული არქიტექტურული ძეგლია;
22. უდიდესი ქართველი ენათმეცნიერი არნოლდ ჩიქობავა სენაკში, სოფელ საჩიქობავოში დაიბადა.
23. სენაკი არის ერთ-ერთი იშვიათი მუნიციპალიტეტი საქართველოში, სადაც ქალაქის მოსახლეობა სოფლისას აჭარბებს;
24. XIX საუკუნის უდიდესი ფალავანი ნესტორ ესებუა, სენაკში, სოფელ სორტაში დაიბადა;
25. სენაკი არის უნიკალური ქალაქი საქართველოში, სადაც საქართველოს სამი ეროვნული გმირი - ჟიული შარტავა, გურამ გაბისკირია და გენო ადამია გაიზარდა.