,
საუდის არაბეთში ჰაჯის დროს სიცხისგან 1 301 ადამიანი დაიღუპა. პილიგრიმები 50 გრადუსიან სიცხეში შორ მანძილზე თავშესაფრის გარეშე გადაადგილდებოდნენ.
ცნობილი გახდა, რომ დაღუპულთა სამ მეოთხედზე მეტს არ ჰქონდა ჰაჯიზე ყოფნის ოფიციალური ნებართვა. დაღუპულთა ნაწილს ხანდაზმულები და ქრონიკული დაავადებების მქონე პირები შეადგენდნენ.
დასავლურ მედიაში უკვე წერენ, რომ საუდის არაბეთმა ჰაჯის უსაფრთხოდ ჩატარებისთვის საკმარისი ზომები არ მიიღო. ეს განსაკუთრებით დაურეგისტრირებელ მომლოცველებს ეხება, რომელთაც ხელი არ მიუწვდებათ ისეთ ობიექტებზე, როგორიცაა კონდიცირებული კარვები და ჰაჯის ოფიციალური ტრანსპორტი. წელს ჰაჯიში 2 მილიონამდე მომლოცველი მონაწილეობდა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
