,
სასამართლომ პროკურატურას ტვ პირველიდან მასალების ამოღების უფლება მისცა, თუმცა, მოსამართლე ლაშა კლდიაშვილის განჩინების მიხედვით ირკვევა, რომ საგამოძიებო უწყებამ არა კონკრეტულად ჩანაწერები მოითხოვა, არამედ კონვერტი და ელექტრონული მოწყობილობა, რომელიც ანონიმურმა წყარომ თითქოს ჟურნალისტებს მიაწოდა. არა და სწორედ ჩანაწერებია საქმეში ის მნიშვნელოვანი მტკიცებულება, რომელშიც სავარაუდო დანაშაულის ნიშნები იკვეთება.
გამოდის, რომ პროკურატურა არა დანაშაულის გამოძიებას, არამედ ანონიმური წყაროს ვინაობის დადგენას ცდილობს, რომელმაც მასალა ტვ პირველს მიაწოდა.
თავის მხრივ, ჟურნალისტები არ აპირებენ ანონიმური წყაროს ვინაობა გათქვან, რადგან ეს მათი კანონით მინიჭებული უფლებაა.
