2026 წლის თებერვალში სურსათისა და უალკოჰოლო სასმელების ჯგუფში წლიურ ჭრილში ფასები 9.5%-ით არის გაზრდილი, რაც წლიურ ინფლაციაზე 3.2 პროცენტული პუნქტით აისახა. აღნიშნულს მოწმობს სტატისტიკის ეროვნული სამსახურის მიერ გამოქვეყნებული მონაცემები.

უფრო კონკრეტულად თებერვალში სურსათისა და უალკოჰოლო სასმელების ჯგუფის სხვადასხვა ქვეჯგუფში ფასები წლიურ ჭრილში შემდეგნაირად შეიცვალა:

• თევზეულის ფასი მომატებულია 23.1 პროცენტით;
• პურის და პურპროდუქტების ფასი მომატებულია 13.8 პროცენტით;
• ხილისა და ყურძენის ფასი მომატებულია 13.3 პროცენტით;
• ბოსტნეულის და ბაღჩეულის ქვეჯგუფში ფასი მომატებულია 10.2 პროცენტით;
• ხორცის და ხორცის პროდუქტების ფასი გაზრდილია 9.6 პროცენტით;
• შაქრის, ჯემის და სხვა ტკბილეულის ფასი მომატებულია 9.4 პროცენტით;
• ზეთის და ცხიმის ფასი გაზრდილია 7.1 პროცენტით;
• ყავის, ჩაისა და კაკაოს ფასი გაზრდილია 5.9 პროცენტით;
• მინერალური და წყაროს წყლის, უალკოჰოლო სასმელებისა და ნატურალური წვენების ქვეჯგუფში ფასი მომატებულია 5.3 პროცენტით;
• რძის, ყველის და კვერცხის ფასი გაზრდილია 5.3 პროცენტით.