,
საქართველოში კორონავირუსის მეოთხე შემთხვევა დაფიქსირდა.
დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელის, ამირან გამყრელიძის თქმით, პაციენტი საქართველოს მოქალაქეა, რომელიც ქვეყანაში იტალიდან კვირას შემოვიდა.
გამყრელიძის თქმით, მაშინ მოქალაქეს ვირუსის სიმპტომები არ აღენიშნებოდა.
„შემდეგ განუვითარდა მაღალი ტემპერატურა. თავად მიმართა ინფექციურ საავადმყოფოს. გუშინ დილით მოხდა მისი ჰოსპიტალიზაცია. ლაბორატორიულად გუშინ გვიან ღამით დადასტურდა დადებითი შემთხვევა“ ,- განაცხადა ამირან გამყრელიძემ.
დღეის მონაცემებით, საქართველოში კორონავირუსის ოთხი შემთხვევაა დაფიქსირებული. ორი მათგანი ირანში მოგზაურობდა, ორი კი იტალიაში იმყოფებოდა.
გამყრელიძის თქმით, სამი ინფიცირებულის ჯანმრთელობის მდგომარეობა დამაკმაყოფილებელია, მეოთხე პაციენტის მდგომარეობა შედარებით საყურადღებოა.
