,
ყაზახეთის ქალაქ ალმატიში პარაძალოსნობის მსოფლიოს თასი გაიმართა. საქართველოს უსინათლოთა პარაძალოსნობის ნაკრებმა ტურნირზე წარმატებით იასპარეზა და 12 მედალი მოიპოვა. ინფორმაციას სპორტის სამინისტრო ავრცელებს.
მირიან ოგნაძემ (+125 კგ) წოლჭიმში და სამჭიდის ჯამში 214 კგ დაძლია, თავისივე მსოფლიოს რეკორდი გააუმჯობესა და ოქროს მედალი მოიპოვა, ასევე ოქროს მედალი მოიპოვა ჩაჯდომში, მან 281 კგ დაძლია და ახალი მსოფლიოს რეკორდი დაამყარა. გიორგი მაისურაძე (+125 კგ) წოლჭიმში და სამჭიდის ჯამში ვერცხლის პრიზიორი გახდა.
ზაზა მარტიაშვილი (125 კგ) წოლჭიმსა და სამჭიდის ჯამში ოქროს მედლებს დაეუფლა. თეონა ბექაურმა (67,5 კგ) წოლჭიმში ბრინჯაოს, ხოლო სამჭიდის ჯამში ვერცხლის მედალი მოიპოვა. გიორგი გიგაური (57 კგ) წოლჭიმში და სამჭიდის ჯამში ვერცხლის მედლების მფლობელი გახდა. გიორგი ბასილაშვილმა (75 კგ) სამჭიდის ჯამში ვერცხლის მედალი მოიპოვა. ლევან მელანაშვილი (82,5 კგ) კი სამჭიდის ჯამში ბრინჯაოს მედალს დაეუფლა.
ალმატის მსოფლიო თასზე მამაკაცებს შორის გუნდურ გამოსვლაში ჩვენი ნაკრები მეორე ადგილზე გავიდა.
პარასპორტსმენები ტურნირზე საქართველოს სპორტის სამინისტროს მხარდაჭერით იმყოფებოდნენ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
