,
ტურიზმის ეროვნულმა ადმინისტრაციამ, მსოფლიოში ერთ-ერთ უდიდეს სათავგადასავლო ტურისტულ გამოფენაში New York Travel and Adventure Show მიიღო მონაწილეობა. ინფორმაციას ტურიზმის ეროვნული ადმინისტრაცია ავრცელებს.
„გამოფენაზე ტურიზმის ეროვნულ ადმინისტრაციასთან ერთად, აჭარის ტურიზმისა და კურორტების დეპარტამენტი, იმერეთის დანიშნულების ადგილის მართვის ორგანიზაცია და კერძო სექტორის 10-მდე წარმომადგენელი წარდგა.
გამოფენას დაესწრო ნიუ-იორკში, საქართველოს გენერალური კონსული მაკა ბართაია.
New York Travel and Adventure Show-ს ფარგლებში, საქართველოს სტენდთან, სტუმრები ქვეყნის ტურისტულ პროდუქტებს გაეცნენ.
New York Travel and Adventure Show-ს ფარგლებში მოლაპარაკებები შედგა წამყვან ტურისტულ კომპანიებთან საქართველოში ტურისტული ნაკადების მოზიდვის მიზნით.
New York Travel and Adventure Show-ს 25 ათასამდე სტუმარი ჰყავდა. გამოფენას საერთაშორისო მედიის 400-მდე წარმომადგენელი დაესწრო.
გამოფენის პარალელურად, ტურიზმის ეროვნული ადმინისტრაცია აშშ-ში, ნიუ-იორკში, სამოგზაურო მედია კონფერენციაზე International Media Marketpalace (Tracel Media Conference)წარდგა.
International Media Marketpalace-ის მონაწილეები საქართველოს ტურისტულ მიმართულებას გაეცნენ. კონფერენციაზე, მსოფლიოს სხვადასხვა ქვეყნის მოგზაური ჟურნალისტები, ინფლუენსერები და ბლოგერები იყვნენ გაერთიანებულები.
ბეჭდური და ციფრული მედიის წარმომადგენლებმა ინფორმაცია მიიღეს საქართველოს ტურისტული პოტენციალის შესახებ“, - აღნიშნულია ინფორმაციაში.
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
