USD 2.7084
EUR 2.9337
RUB 2.9233
თბილისი
საქართველოს ტექნიკური უნივერსიტეტი ტელეკომპანია „ფორმულასგან“ უნივერსიტეტის ქონების ნაწილის გასხვისებასთან დაკავშირებული მტკიცებულების საჯაროდ წარმოდგენას მოითხოვს
თარიღი:  749

საქართველოს ტექნიკური უნივერსიტეტი ღრმა შეშფოთებას გამოთქვამს ბოლო დროს ტელეკომპანია „ფორმულას“ მხრიდან „საქართველოს ტექნიკური უნივერსიტეტის განვითარების ფონდის“ დაარსების ირგვლივ აჟიოტაჟის შექმნისა და მოვლენების დრამატიზების მიზანმიმართული მცდელობის გამო, რითაც მედიასაშუალება გამიზნულად დარტყმის ქვეშ აყენებს, როგორც საქართველოს ტექნიკური უნივერსიტეტის, მისი ადმინისტრაციისა და პროფესორ-მასწავლებლების სახელს, ასევე, მეცნიერების განვითარებაზე ორიენტირებული საქველმოქმედო ფონდის დაარსების კეთილშობილ მისიას.

აღნიშნულ თემაზე მედიასაშუალების მიერ მომზადებული მეორე სიუჟეტი დეზიფორმაციის იმდენად მყარ ჩარჩოშია მოქცეული, რომ სიცრუის ტირაჟირებით ყოველგვარ მორალურ ფარგლებს სცდება. სიუჟეტში გამოთქმული მკვეთრად უარყოფითი, ცილისმწამებლური გზავნილები და უნივერსიტეტის ქონების ნაწილის ვითომდა გასხვისების, საეჭვო გარიგებების, დავით ხიდაშელის მიერ საქველმოქმედო ფონდში ერთი მილიონის ოდენობით შენატანის გაკეთების შესახებ მტკიცებით ფორმაში ასე ხელაღებით საუბარი უკიდურესად შურაცხმყოფელია საქართველოს ტექნიკური უნივერსიტეტისთვის, მისი აკადემიური და სამეცნიერო წრეებისა და სტუდენტებისთვის, მაშინ როდესაც მსგავს ფაქტებს ადგილი არ ჰქონია.

საქართველოს ტექნიკური უნივერსიტეტი მზად არის, გამჭვირვალობის პრინციპების დაცვით, ნებისმიერ საკითხთან დაკავშირებით, ღიად ითანამშრომლოს მედიასთან. „ფორმულას“ ჟურნალისტს უნივერსიტეტის წარმომადგენლებმა არაერთხელ განუმარტეს, რომ ფონდი, რომელიც ამ ეტაპზე ჩამოყალიბების პროცესშია, საქველმოქმედოა და მიზნად ისახავს მხოლოდ უნივერსიტეტის სამეცნიერო-საგანმანათლებლო პროცესების მხარდაჭერას და მისი ინტელექტუალური პოტენციალის განვითარებას, რომ საქველმოქმედო ფონდი არ არის შემხებლობაში უნივერსიტეტის არც ძირითად საქმიანობასთან, არც საუნივერსიტეტო ქონებასთან. მიუხედავად ამისა, ტელეკომპანია „ფორმულა“ ყოველგვარი მორიდების გარეშე აცხადებს, რომ „დავით ხიდაშელმა უკვე შეიძინა რამდენიმე შენობა კოსტავას 77 ნომერში. ტექნიკური უნივერსიტეტის იურიდიულ მისამართზე არსებული დიდძალი ქონების ნაწილი უკვე რუსი ბიზნესმენის სახელზეა. დავით ხიდაშელმა ტექნიკურ უნივერსიტეტში დააფუძნა სპეციალური ფონდიც, სადაც პირველი შენატანი - ერთი მილიონი გაკეთებულია. ტექნიკური უნივერსიტეტის მატერიალური თუ არამატერიალური ქონების გარდა, რუს ბიზნესმენს ტექნიკური უნივერსიტეტის ადმინისტრაციის კეთილგანწყობაც ზედმეტი ძალისხმევის გარეშე გადაეცა“ და ა.შ.  ურცხვად იღვრება სიცრუისა და ცილისწამების მთელი კასკადი ტელეკომპანია „ფორმულას“ ეთერიდან, რაც საქმეში ნაკლებად ჩახედულმა ადამიანმა შეიძლება იოლად ირწმუნოს კიდეც.  

 გაუგონარი სიცრუისა და ცილისწამების გამიზნულად ტირაჟირება, რასაც ასე მიზანმიმართულად ეწევიან ტელეკომპანია „ფორმულას“ ჟურნალისტები და რითაც ცდილობენ გაამყარონ დეზინფორმაციაზე აგებული საკუთარი მოსაზრებები, ემსახურება მხოლოდ ერთ მიზანს - უნივერსიტეტის ბოლომდე დისკრედიტაციას, მისი ღირსების შელახვასა და საზოგადოების შეცდომაში შეყვანას.

აღნიშნულიდან გამომდინარე, საქართველოს ტექნიკური უნივერსიტეტი მკაცრად მოითხოვს ტელეკომპანია „ფორმულასგან“, მტკიცებულების სახით, დაუყოვნებლივ საჯაროდ წარმოადგინოს უნივერსიტეტის ქონების ნაწილის გასხვისების ან საქველმოქმედო ფონდში ერთმილიონიანი შენატანის დამადასტურებელი დოკუმენტები. აღნიშნულს ტელეკომპანია „ფორმულა“ ვერ შეძლებს იმ მარტივი მიზეზის გამო, რომ ასეთ ფაქტებს ადგილი სინამდვილეში არ ჰქონია - არათუ უნივერსიტეტის ქონების ნაწილი, ქონების მისხალიც არ გასხვისებულა; რაც შეეხება უნივერსიტეტის განვითარების საქველმოქმედო ფონდს, ის ჯერ ფორმირების პროცესშია და შესაბამისად, შენატანის სახით, ფონდში ერთი მილიონი არ შესულა.

საქართველოს ტექნიკური უნივერსიტეტი დარწმუნებულია, რომ ტელეკომპანია „ფორმულას“ მხრიდან უნივერსიტეტის დისკრედიტაციის მიზნით მსგავსი სიცრუის ტირაჟირება მის წინააღმდეგ ცილისმწამებლური კამპანიის მიზანმიმართულად აგორებას და საზოგადოების შეცდომაში შეყვანას ემსახურება. ამის გათვალისწინებით, საქართველოს ტექნიკური უნივერსიტეტი უფლებას იტოვებს, სიმართლის დასადგენად სამართლებრივ გზებს მიმართოს. გარდა ამისა, საქართველოს ტექნიკური უნივერსიტეტი ტელეკომპანია „ფორმულასგან“ მოითხოვს, ეს მიმართვის ტექსტი უცვლელად გადასცეს თავის ეთერში.

სპორტი
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.