ევროკავშირმა საქართველოს თავდაცვის სფეროს მხარდასაჭერად გამოყოფილი 30 მილიონი ევრო გაყინა. ამის შესახებ საქართველოში ევროკავშირის ელჩმა პაველ ჰერჩინსკიმ განაცხადა. 

დიპლომატმა ასევე აღნიშნა, რომ ეს მხოლოდ პირველი ნაბიჯია და ევროკავშირის დახმარება საქართველოს მთავრობისადმი კიდევ შემცირდება. 

"როდესაც საუბარია უსაფრთხოებისა და თავდაცვის სფეროში თანამშრომლობაზე, სამწუხაროდ, უნდა გაცნობოთ, რომ [ევროკავშირის] ლიდერებმა ასევე გადაწყვიტეს გაეყინათ ფული, რომელიც საქართველოს თავდაცვის ძალების მხარდასაჭერად იყო გამოყოფილი, ევროპის სამშვიდობო ფონდის (EPF) ფარგლებში. ამ მომენტისთვის, ფული, რომლის გადარიცხვასაც თავდაცვის სამინისტროსთვის ვგეგმავდით, რაც 30 მილიონ ევროს მოიცავს, გაყინულია.

და ეს მხოლოდ პირველი ნაბიჯია, სხვა ნაბიჯების იქნება. ჩვენი პირდაპირი დახმარება საქართველოს მთავრობისადმი შემცირდება და შევეცდებით, მთავრობისადმი ეს პირდაპირი დახმარება გადავიტანოთ სამოქალაქო საზოგადოებასა და მედიისკენ. ამის შესახებ ლუქსემბურგში საგარეო საქმეთა მინისტრების სხდომის შემდეგ გამოცხადეს", - თქვა ჰერჩინსკიმ. 

მისი თქმით, ყველაფერი შეიძლება შეიცვალოს,  თუმცა,  დრო იწურება.

 ევროკავშირის ლიდერებისთვის უცნობია რა არის საქართველოს მთავრობის განზრახვა.  ყველაფერი შეიძლება შეიცვალოს,  თუმცა,  დრო იწურება. სხვა ქვეყნები ევროკავშირისკენ სწრაფად მიიწევენ წინ. უკრაინასა და მოლდოვასთან უკვე გაიხსნა მოლაპარაკებები წევრობაზე. ევროკავშირის გაფართოება მაინც მოხდება  და ახლა საქართველოზეა დამოკიდებული იქნება ამ გაფართოების ნაწილი თქვენი ქვეყანა თუ არა.  ამ მომენტისთვის საქართველოს გაწევრიანება გაჩერებულია, ეს ევროკავშირის ლიდერებმა ძალიან მკაფიოდ გამოაცხადეს ევროპული საბჭოს სამიტის შემდეგ .  ვერ წარმომიდგენია წელს საქართველო წინ წავიდეს და გადადგას წინ ნაბიჯები , რადგან ევროკავშირის ლიდერებმა გადაწყვიტეს გაყინონ გაწევრიანების პროცესი . ახლა მოთმინებით ელოდებიან უფრო მეტ სიცხადეს საქართველოს მთავრობისგან.

გულწრფელად ვიმედოვნებ, რომ არჩევნების შემდეგ, ოქტომბრის შემდეგ, ახალჩამოყალიბებული მთავრობა, ვინც არ უნდა მოახდინოს მთავრობის ფორმირება, დაიწყებს ხელახალ სერიოზულ მუშაობას ევროკავშირში გაწევრიანებისკენ, - განაცხადა პაველ ჰერჩინსკიმ.

მისივე თქმით, ჯერ კიდევ გაურკვეველია, იქნება თუ არა საქართველო ევროკავშირის შემდგომი დიდი გაფართოების ტალღის ნაწილი.

„გაფართოება არის ერთ-ერთი მნიშვნელოვანი გამოწვევა, რომლის წინაშეც ევროკავშირი დგას და გულწრფელად ვიმედოვნებ, რომ მომავალი 5 წლის განმავლობაში, ახალარჩეული ხელმძღვანელობის მომავალი 5 წლის მუშაობის განმავლობაში მოხდება ევროკავშირის შემდგომი გაფართოების დიდი ტალღა. საქართველოს შემთხვევაში, ჯერ კიდევ გაურკვეველია, იქნება თუ არა საქართველო ევროკავშირის შემდგომი დიდი გაფართოების ტალღის ნაწილი

გულწრფელად ვიმედოვნებ, რომ ეს ასე იქნება და ოქტომბრის არჩევნების შემდეგ გადავტვირთავთ მუშაობას და მოვასწრებთ მივაღწიოთ, რომ საქართველო იყოს ევროკავშირის შემდგომი გაფართოების ნაწილი“, - აღნიშნა ელჩმა.