საქართველოს სამეფო სახლი თავის ოფიციალურ ფეისბუკზე განცხადებას ავრცელებს იმის სესახებ.რომ 2020 წლის 29 იანვარს, ესპანეთში ქალაქ მადრიდში მისი სამეფო უმაღლესობა საქართველოს სამეფო ტახტის მემკვიდრე უფლისწული დავით ბაგრატიონ - მუხრანბატონი დაესწრო მისი სამეფო უმაღლესობის ინფანტა დონა პილარ ბურბონ და ბურბონ, ბადახოსის ჰერცოგინიას გარდაცვალებასთან დაკავშირებით გამართულ სულის მოსახსენებელ მსახურებას.
"მადრიდი, ესპანეთი
2020 წლის 29 იანვარი
მისი სამეფო უმაღლესობა საქართველოს სამეფო ტახტის მემკვიდრე უფლისწული დავით ბაგრატიონ - მუხრანბატონი დაესწრო მისი სამეფო უმაღლესობის ინფანტა დონა პილარ ბურბონ და ბურბონ, ბადახოსის ჰერცოგინიას გარდაცვალებასთან დაკავშირებით გამართულ სულის მოსახსენებელ მსახურებას.
მისი უდიდებულესობა ესპანეთის მეფე ფელიპე VI-ეს პირადი მიწვევით უფლისწული დავითი მეფე ფელიპე მეექვსესთან და დედოფალ ლეტიციასთან, მეფე ხუან კარლოს I და დედოფალ სოფიასთან, ასევე განსვენებული ინფანტას შთამომავლებსა და ოჯახის წევრებთან ერთად დაესწრო მესას სან ლორენცო დე ელ ესკორიალის ბაზილიკაში.
ინფანტა დონა პილარ ბურბონ და ბურბონი გახლდათ მეფე ხუან კარლოს I-ის და , ხოლო ამჟამინდელი ესპანეთის მეფე ფელიპე VI-ეს მამიდა.
მესას უძღვებოდა კასტრენცეს არქიეპისკოპოსი ხუან დელ რიო. მესას ასევე დაესწრო რამდენიმე სამეფო სახლი.
ინფანტა დონა პილარ ბურბონ და ბურბონი იყო ესპანეთის მეფე ალფონსო XIII-ის ვაჟის, ბარსელონას გრაფ ხუან ესპანელის უფროსი ასული. დაიბადა 1936 წლის 30 ივლისს, საფრანგეთის ქალაქ კანში. 2020 წლის 8 იანვარს, ხანგრძლივი ავადმყოფიბის შემდეგ გარდაიცვალა მადრიდში .
განსვენებული ინფანტა დონა პილიარი 1967 წლის 5 მაისს, დაქორწინდა ესპანელ დიდგვაროვანზე, ესტრადასა და ლა ტორეს ჰერცოგ ლუის გომეს-ასებოზე, რომელთანაც ხუთი შვილი შეეძინა
ინფანტა დონა პილარი ცნობილი იყო მისი დაუვიწყარი საქველმოქმედო საქმიანობით"
წყარო:https://www.facebook.com/TheRoyalHouseOfGeorgiaOfficialPage/
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/