,
ფინანსთა სამინისტრომ 2023 წლის ნოემბრის მდგომარეობით საქართველოს საგარეო ვალის ამსახველი სტატისტიკა გამოაქვეყნა. დოკუმენტის თანახმად, საქართველოს სახელმწიფო საგარეო ვალმა დოლარებში 8.64 მილიარდი დოლარი შეადგინა, რაც წინა წლის ანალოგიურ პერიოდთან შედარებით 728 მილიონი დოლარით მეტია. ლარებში საგარეო ვალი წლიურად 1.95 მილიარდი ლარით გაიზარდა და ის ამჟამად ₾23.5 მილიარდს შეადგენს.
საქართველოს საგარეო ვალში პირველ ადგილზე აზიის განვითარების ბანკის კრედიტია, რომლებიც ქვეყანამ უმსხვილესი ინფრასტრუქტურული პროექტების განვითარებისთვის აიღო. მეორე ადგილზეა მსოფლიო ბანკის ჯგუფი, რომლის კრედიტებიც ასევე ძირითადად ინფრასტრუქტურულ პროექტებს ხმარდება. მესამე ადგილზეა ევროპის საინვესტიციო ბანკი.
ვისი ვალი აქვს საქართველოს - სტატისტიკა:
| დონორი ორგანიზაცია | ვალის ნაშთი 2023 წლის ნოემბრის მდგომარეობით: |
| ADB | $2,209,495,000 |
| მსოფლიო ბანკის ჯგუფი | $2,100,044,000 |
| EIB | $1,003,422,000 |
| საფრანგეთი (AFD) | $763,402,000 |
| გერმანია (KFW) | $625,202,000 |
| ევრობონდი | $500,000,000 |
| EBRD | $231,106,000 |
| AIIB | $210,211,000 |
| IMF (მთავრობის ვალი) | $195,993,000 |
| ევროკავშირი | $145,943,000 |
| იაპონია | $134,941,000 |
| IFAD | $37,184,000 |
| რუსეთის ფედერაცია | $15,241,000 |
| ავსტრია | $13,403,000 |
| ევროსაბჭოს განვითარების ბანკი | $12,830,000 |
| ქუვეითი | $11,458,000 |
| ამერიკის შეერთებული შტატები | $8,573,000 |
| თურქეთი | $4,342,000 |
| ყაზახეთი | $2,425,000 |
| აზერბაიჯანი | $2,230,000 |
| სომხეთი | $1,967,000 |
| ირანი | $1,626,000 |
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
