,
ხანგრძლივი დისკუსიის შემდეგ ბრიუსელში, მუდმივ წარმომადგენელთა კომიტეტმა, რომელი ევროკავშირის წევრი ქვეყნების ელჩებს აერთიანებს, შეთანხმება მოახერხეს და შეთახმდნენ იმ ქვეყნების სიაზე რომელთა მოქალაქეებსაც ევროკავშირის ტერიტორიაზე 1-ლი ივლისიდან შესვლა შეეძლებათ, - ამის შესახებ ინფორმაციას ფრანგული გამოცემა Le Monde ავრცელებს.
სია საბოლოოდ შაბათ საღამომდე უნდა ჩამოყალიბებულიყო, ხოლო ორშაბათს კვალიფიციური ხმათა უმრავლესობით უნდა მიღებულიყო. მაგრამ ზოგიერთმა დედაქალაქმა შემდგომი შემოწმებისთვის დროის გადაწევა მოითხოვა.
სიაში ვერ მოხვდნენ: აშშ, რუსეთი, ისრაელი, თურქეთი და საუდის არაბეთი, რადგან აღნიშნულ ქვეყნებში კორონავირუსის პანდემია მძვინვარებს.
14 ქვეყანას შორის, რომლისთვისაც 1-ლი ივლისიდან ევროკავშირის საზღვრები გაიხსნება: ავსტრალია, ახალი ზელანდია, იაპონია, სამხრეთ კორეა, კანადა, მონტენეგრო, სერბეთი, ტაილანდი, ურუგვაი, რუანდა, ალჟირი, მაროკო და ტუნისი.
რუსეთმა და ჩინეთმა ვეტო დაადეს გაეროს რეზოლუციას, რომელიც ჰორმუზის სრუტის გახსნას ისახავდა მიზნად. ამის შესახებ ინფორმაციას CNN-ი ავრცელებს.
ბაჰრეინის მიერ წარდგენილი რეზოლუცია ქვეყნებს ახალისებს, მოახდინონ თავდაცვითი ზომების კოორდინაცია ჰორმუზის სრუტეში უსაფრთხო მიმოსვლისთვის, მათ შორის კომერციული გემების ესკორტირებით.
აღნიშნული რეზოლუცია თავდაპირველი ტექსტის შერბილებულ ვერსიას წარმოადგენს, რომელიც ქვეყნებს სრუტეში უსაფრთხო ტრანზიტის უზრუნველსაყოფად, ძალის გამოყენების საშუალებას მისცემდა.
რეზოლუციას 11-მა ქვეყანამ დაუჭირა მხარი, ორმა თავი შეიკავა და ორი წინააღმდეგ წავიდა (რუსეთი და ჩინეთი).
