,
საქართველოს ეროვნული ბანკის უსაფრთხოების უფროსად გიორგი ფერაძე დაინიშნა. იგი აქამდე საქართველოს კონკურენციის სააგენტოში თავმჯდომარის მოადგილის თანამდებობას იკავებდა.
საქართველოს ეროვნული ბანკის უსაფრთხოების ახალი უფროსის ბიოგრაფია:
2002 – 2004 წლებში მან ივ. ჯავახიშვილის სახელობის თბილისის სახელმწიფო უნივერსიტეტის კომერციისა და მარკეტინგის ფაკულტეტი დაამთავრა და ეკონომიკის მაგისტრის წოდება მიიღო. იმავე უნივერსიტეტში და იგივე ფაკულტეტზე 1998 – 2002 წლებში აიღო ბაკალავრის ხარისხი.
რაც შეეხება სამუშაო გამოცდილებას:
2014 წლიდან - დღემდე იგი საქართველოს კონკურენციის ეროვნული სააგენტოს თავმჯდომარის მოადგილის თანამდებობას იკავებდა;
2014 წლიდან - დღემდე იგი ასევე არის საქართველოს ფინანსთა სამინისტროსთან არსებული დავების განხილვის საბჭოს წევრი;
2014 წელს გიორგი ფერაძე იყო ვეტერანების საქმეთა სახელმწიფო სამსახურის დირექტორი და ასევე საქართველოს პრემიერ მინისტრთან არსებული ეკონომიკური საბჭოს აპარატში, კერძოდ, ეკონომიკური განვითარების სამსახურში მრჩეველად;
2009 –2014 წლებში იყო საქართველოს ფინანსთა სამინისტროს შემოსავლების სამსახურის აუდიტის დეპარტამენტის შემოწმებების მთავარი სამმართველოს საგადასახადო შემოწმების სხვადასხვა სამმართველო - მთავარი აუდიტორი;
2008 – 2009 - საქართველოს ფინანსთა სამინისტროს ს.ს.ი.პ. შემოსავლების სამსახურის აუდიტის დეპარტამენტი - გადაუდებელ საქმეთა სამმართველო - მთავარი ინსპექტორი;
2007 – 2008 - საქართველოს ფინანსთა სამინისტროს ფინანსური პოლიცია - სპეციალურ გამოკვლევათა და ფინანსური ექსპერტიზის დეპარტამენტი - უფროსი ინსპექტორი;
2006 – 2007 - საქართველოს ფინანსთა სამინისტროს ფინანსური პოლიცია - სპეციალურ გამოკვლევათა და ფინანსური ექსპერტიზის დეპარტამენტი - ინსპექტორი;
1999 – 2006 - შ.პ.ს. ,მკ“ - მარკეტინგის მენეჯერი;
ფლობს რუსულ და ინგლისურ ენებს.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
