ევგენი ხარაძე

დაბადების თარიღი: 31 ოქტომბერი, 1907

გარდაცვ. თარიღი: 10 ოქტომბერი, 2001  (93 წლის ასაკში)

დაკრძალვის ადგილი:დიდუბის პანთეონი, თბილისი

კატეგორია: ასტრონომი, მეცნიერი, პოლიტიკოსი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკა-მათემატიკის ფაკულტეტი 1930 წელს, ასპირანტურა1934 წელს.

1932 წლიდან მუშაობდა საქართველოს მეცნიერებათა აკადემიის აბასთუმნის ასტროფიზიკური ობსერვატორიის დირექტორის თანამდებობაზე; 1949 წლიდან თბილისის სახელმწიფო უნივერსიტეტის პროფესორი; 1939 წლიდან ასტრონომიის კათედრის გამგე; 1959-1965წწ. თბილისის სახელმწიფო უნივერსიტეტის რექტორი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პრტია", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); ევგენი ხარაძის ძირითადი სამეცნიერო ნაშრომები მიეძღვნა გალაქტიკის აგებულებას, მასში მყოფ ვარსკლავთა სპექტრული და ფოტომეტრიული მახასიათებლების, აგრეთვე, ვარსკლავებისა და ვასკლავთშორისი ნივთიერების სივრცულ განაწილებას, სხვადასხვა ტიპის ცვალებადი ვარსკლავების სპექტრულ შესწავლას, საქართველოს მთიანი რაიონების ასტრონომიული კლიმატის, ტელესკოპთა ოპტიკური კვლევის საკითხებს; აღმოაჩინა, რომ P Cyg-ტიპის ვარსკვლავთა სპექტრში ხაზების დოპლერისეული წანაცვლებანი მოწმობენ ვარსკვლავის განვრცობილ ატმოსფეროში ელემენტების სტრატიფიკაციას; შეადგინა კაპტეინის სხვადასხვა არეში მყოფ ვარსკვლავთა ფერის სიჭარბეების, ფოტოვიზუალური ვარსკვლავიერი სიდიდეების, ნათობებისა და სპექტრების კატალოგები, მათზე დაყრდნობით შეისწავლა სინათლის შთანთქმა გალაქტიკაში. ქართველი ასტრონომი, საზოგადო და სახელმწიფო მოღვაწე, აბასთუმნის ასტროფიზიკური ობსერვატორიის დამაარსებელი და მისი უცვლელი დირექტორი. ფიზიკა-მათემატიკის მეცნიერებათა დოქტორი.

ორგანიზაციის, ასოციაციის ან ჯგუფის წევრი

საკავშირო ასტრონომიულ-გეოდეზიური საზოგადოება, ვიცე-პრეზიდენტი (1965-1970)

ვარსკვლავთა ასტრონომიის მუდმივი კომიტეტი, თავმჯდომარე (1962-1974)

საერთაშორისო ასტრონომიული კავშირი, ვიცე-პრეზიდენტი (1976-1982)

საქართველოს მეცნიერებათა აკადემია, აკადემიკოსი (1955-)

საქართველოს მეცნიერებათა აკადემია, ვიცე-პრეზიდენტი, პრეზიდენტი (1972-1978)

საქართველოს რესპუბლიკის პირველი მოწვევის უზენაესი საბჭო, წევრი (1990-1991)

საქართველოს სსრ საზოგადოება "ცოდნა", საპატიო თავმჯდომარე (1981-)

საქართველოს სსრ საზოგადოება "ცოდნა", თავმჯდომარე (1977-1980)

სსრკ მეცნიერებათა აკადემიის ასტრონომიული საბჭოს ბიურო, წევრი (1936-)

ჯილდოები, პრემიები და პრიზები

1997 - ღირსების ორდენი

1982 - თბილისის საპატიო მოქალაქე

1971 - ოქტომბრის რევოლუციის ორდენი

1951 - შრომის წითელი დროშის ორდენი

სომხეთის მეცნიერებათა დამსახურებული მოღვაწე

საქართველოს მეცნიერებათა დამსახურებული მოღვაწე

ლენინის ორდენი (4 ორდენი)

ირაკლი ბათიაშვილი

დაბადების თარიღი:  31 ოქტომბერი, 1902

გარდაცვ. თარიღი: 16 მარტი, 1982  (79 წლის ასაკში)

კატეგორია:  ბიოლოგი, მეცნიერი, პედაგოგი

დაბადების ადგილი: ქ. თბილისი.

 დაამთავრა თბილისის სახელმწიფო უნივერსიტეტი აგრონომიის ფაკულტეტი 1925 წელს.

1931 წლიდან მუშაობდა საქართველოს სასოფლო-სამეურნეო ინსტიტუტში სხვადასხვა თანამდებობაზე; 1945 წლიდან იყო ენტომოლოგიის კათედრის გამგე; 1950-1958წწ. ინსტიტუტის პრორექტორი სასწავლო ნაწილში. მან გამოიკვლია უმთავრესად სუბტროპიკული კულტურების და კონტინენტური ხეხილის მავნე ენტომოფაუნა და მისი მთავარი სახეობების ბიოეკოლოგია. თანაავტორია ენტომოლოგიის სახელმძღვანელოსი; ენტომოლოგი.

ორგანიზაციის, ასოციაციის ან ჯგუფის წევრი

საქართველოს ენტომოლოგიის საზოგადოება, თავმჯდომარე (1968-)

ჯილდოები, პრემიები და პრიზები

შრომის წითელი დროშის მედალი

შრომის წითელი დროშის ორდენი

 ავთანდილ ჯორბენაძე

დაბადების თარიღი:  31 ოქტომბერი, 1951  (72 წლის)

კატეგორია: ექიმი, თანამდებობის პირი

დაბადების ადგილი: ქ. ლანჩხუთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1974 წელს.

1974-1975წწ. იყო თბილისის კლინიკური საავადმყოფოს ექიმი-ინტერნი; 1975-1976წწ. 29-ე პოლიკლინიკის ექიმი-თერაპევტი; 1976-1978წწ. სსრკ შეიარაღებული ძალების სამხედრო ნაწილის ექიმი; 1978-1986წწ. თბილისის I კლინიკური საავადმყოფოს რენტგენოლოგი-თერაპევტი; 1986-1992წწ. თბილისის სახალხო დეპუტატთა საქალაქო საბჭოს აღმასკომის ჯანდაცვის სამმართველოს უფროსის მოადგილე; 1992-1995წწ. საქართველოს ჯანდაცვისა და სოციალური უზრუნველყოფის მინისტრის მოადგილე; 1995-2001წწ. საქართველოს ჯანდაცვისა და სოციალური უზრუნველყოფის მინისტრი; 2001-2003წწ. სახელმწიფო მინისტრი. არის გამოგონებისა და 6 გამოქვეყნებული სამეცნიერო ნაშრომის ავტორი.

ჯილდოები, პრემიები და პრიზები

2001 - ღირსების მედალი

1994 - ვახტანგ გორგასლის II ხარისხის ორდენი

ზვიად ძიძიგური

დაბადების თარიღი:  31 ოქტომბერი, 1964  (59 წლის)

კატეგორია: თანამდებობის პირი, ინჟინერი, პოლიტიკოსი

დაბადების ადგილი: სოფელი მარანი, აბაშის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1986 წელს.

1986-1987წწ. მუშაობდა წულუკიძის საკოლმეურნეობათაშორისო სამშენებლო ორგანიზაციაში ოსტატად; 1987-1989წწ. რ/გ საქაგრომშენის სამშენებლო ტრესტის მოძრავი მექანიზირებული კონის ინჟინერი; 1989-1990წწ. საქაგრომშენის №2 სამშენებლო ტრესტის მოძრავი მექანიზირებული კოლონა, ინჟინერი; 25-ე მოძრავი მექანიზირებული კოლონის ინჟინერი (1990); 90-ანი წლებიდან იწყებს პოლიტიკურ მოღვაწეობას; 1990-1991წწ. საქართველოს რესპუბლიკის უზენაესი საბჭოს წევრი, საარჩევნო ფორმა: მაჟორიტარული, მაჟორიტარი სამტრედიის საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 2000-2006წწ. ეროვნულ ძალთა გაერთიანება (კონსერვატორების) თავმჯდომარე; 2002-2006წწ. თბილისის საკრებულოს წევრი; 2004-2008წწ. საქართველოს მე-6 მოწვევის პარლამენტის წევრი, საარჩევნო ფორმა: ბლოკი "სააკაშვილი - ნაციონალური მოძრაობა", საარჩევნო ფორმა: მაჟორიტარული, მაჟორიტარი №54 სამტრედიის საარჩევნო ოლქიდან; 07-06-2008 - 20-06-2008 წელს საქართველოს მე-8 მოწვევის პარლამენტის წევრი, საარჩევნო ბლოკი: "გაერთიანებული ოპოზიცია (ეროვნული საბჭო, მემარჯვენეები)", საარჩევნო ფორმა: პარტიული სიით; 2012-2016წწ. საქართველოს პარლამენტის მე-8 მოწვევის პარლამენტის წევრი, საარჩევნო ბლოკი: "ბიძინა ივანიშვილი - ქართული ოცნება", საარჩევნო ფორმა: მაჟორიტარული, მაჟორიტარი №20 რუსთავის საარჩევნო ოლქიდან; 2016-2020წწ. საქართველოს მე-9 მოწვევის პარლამენტის წევრი, საარჩევნო ბლოკი: ბლოკი "ქართული ოცნება - დემოკრატიული საქართველო", საარჩევნო ფორმა: პარტიული სიით.

ორგანიზაციის, ასოციაციის ან ჯგუფის წევრი

ეროვნულ ძალთა გაერთიანება (კონსერვატორები), თავმჯდომარე (2000-2006)

თბილისის საკრებულო, წევრი (2002-2004)

საქარელოს რესპუბლიკის პირველი მოწვევის უზენაესი საბჭო, წევრი (1990-1991)

საქართველოს კონსერვატიული პარტია, თავმჯდომარე (2019-)

საქართველოს მე-6 მოწვევის პარლამენტი, წევრი (2004-2008)

საქართველოს მე-6 მოწვევის პარლამენტის ფრაქცია "დემოკრატიული ფრონტი", თავმჯდომარის მოადგილე, თავმჯდომარე (2005-2008)

საქართველოს მე-6 მოწვევის პარლამენტის ფრაქცია "ნაციონალური მოძრაობა-დემოკრატები", წევრი (2004-2004)

საქართველოს მე-6 მოწვევის პარლამენტის განათლების, მეცნიერების, კულტურისა და სპორტის კომიტეტი , წევრი (2005-2005)

საქართველოს მე-6 მოწვევის პარლამენტის ევროპასთან ინტეგრაციის კომიტეტი, წევრი (2004-2004)

საქართველოს მე-6 მოწვევის პარლამენტის თავდაცვისა და უშიშროების კომიტეტი, წევრი (2005-2007)

საქართველოს მე-6 მოწვევის პარლამენტის რეგიონული პოლიტიკის, თვითმმართველობისა და მაღალმთიანი რეგიონების კომიტეტი, წევრი (2008-2008)

საქართველოს მე-7 მოწვევის პარლამენტი, წევრი (2008-2008)

საქართველოს მე-8 მოწვევის პარლამენტი, წევრი (2012-2016)

საქართველოს მე-8 მოწვევის პარლამენტი, პარლამენტის თავმჯდომარის მოადგილე (2012-2016)

საქართველოს მე-8 მოწვევის პარლამენტი რეგიონული პოლიტიკისა და თვითმმართველობის კომიტეტი, წევრი (2012-2016)

საქართველოს მე-8 მოწვევის პარლამენტის ფრაქცია "ქართული ოცნება - კონსერვატორები", წევრი (2012-2016)

საქართველოს მე-9 მოწვევის პარლამენტი, პარლამენტის თავმჯდომარის მოადგილე (2016-2019)

საქართველოს მე-9 მოწვევის პარლამენტი, წევრი (2016-2019)

საქართველოს მე-9 მოწვევის პარლამენტი, ფრაქცია "ქართული ოცნება", წევრი (2016-2016)

საქართველოს მე-9 მოწვევის პარლამენტის აგრარულ საკითხთა კომიტეტი, წევრი (2016-2019)

საქართველოს მე-9 მოწვევის პარლამენტის ფრაქცია "ქართული ოცნება - კონსერვატორები", წევრი (2016-2019)

ზურაბ გეგეჭკორი

დაბადების თარიღი:  31 ოქტომბერი, 1941  (82 წლის)

კატეგორია: ეკონომისტი, თანამდებობის პირი, მეცნიერი

დაბადების ადგილი: ქ. ოზურგეთი.

 დაამთავრა თბილისის სახელმწიფო სასოფლო-სამეურნეო ინსტიტუტის ეკონომიკა-ორგანიზაციის ფაკულტეტი 1965 წელს.

1965-1971წწ. იყო კოლმეურნეობის ეკონომისტი, საკავშირო სამეცნიერო კვლევითი ინსტიტუტის განყოფილების გამგე, ასპირანტი, მეცნიერ-თანამშრომელი; 1974-1991წწ. სახელმწიფო საგეგმო კომიტეტის, მინისტრთა საბჭოს განყოფილების გამგე, ცკ ინსტრუქტორი, საქონლის ხარისხისა და ვაჭრობის სახელმწიფო ინსპექციის უფროსი; 1991-1997წწ. საქართველოს სოფლის, ტყის მეურნეობისა და კვების მრეწველობის მინისტრის პირველი მოადგილე, მიწის რესურსებისა და მიწის კადასტრის კომიტეტის თავმჯდომარე, სოფლის მეურნეობისა და კვების მრეწველობის მინისტრი; 1997-2004წწ. საქართველოს მიწის მართვის სახელმწიფო დეპარტამენტის თავმჯდომარე. გამოქვეყნებული აქვს სამეცნიერო ნაშრომები.

ჯილდოები, პრემიები და პრიზები

1999 - ღირსების ორდენი

მიწის რეფორმებისა და მიწის მართვის სახელმწიფო პოლიტიკის პრაქტიკულად განხორციელებაში შეტანილი პირადი დიდი წვლილისა და ნაყოფიერი მუშაობისათვის

1980 - რესპუბლიკის დამსახურებული ეკონომისტი