გია ხუციშვილი

დაბადების თარიღი: 18 ივლისი, 1966  (57 წლის)

კატეგორია:  მხატვარი, პედაგოგი

დაბადების ადგილი: ქ. თბილისი.

 დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტი 1989 წელს.

1990-2000წწ. იყო თბილისის სახელმწიფო სამხატვრო აკადემიის, მონუმენტურ-დეკორატიული კათედრის ფერწერისა და კომპოზიციის მასწავლებელი; 1993-2002წწ. თბილისის ხელოვნების ინსტიტუტში სახვითი ხელოვნების კათედრის ფერწერის, ხატვის და კომპოზიციის უფროსი მასწავლებელი; 1997-2007წწ. თბილისის სახელმწიფო უნივერსიტეტის სახვითი და გამოყენებითი ხელოვნების კათედრის ფერწერის, ხატვის და კომპოზიციის მასწავლებელი; 1999-2002წწ. ელენე ახვლედიანის სახლ-მუზეუმში კითხულობდა ლექციების კურსს ხელოვნების ისტორიასა და კულტუროლოგიაში; 2006 წლიდან დღემდე თბილისის სახელმწიფო სამხატვრო აკადემიის სახვითი ხელოვნების ფაკულტეტის (ფერწერა, კომპოზიცია) ასოცირებული პროფესორია. 1996-2008წწ. რამოდენიმე რესპუბლიკური გამოფენის, აქციის, წიგნისა და სამხატვრო ალბომის ავტორი, მთარგმნელი და შემდგენელია ("ავთო ვარაზი" 1998, "მისი უდიდებულესობა ქართული ღვინო" 1999, სიმონ სხირტლაძე "მრავალძალი" 2002, თამაზ ხუციშვილი "ფერწერა, გრაფიკა" 2006 და მრავალი სხვა.). გია ხუციშვილის ფერწერული ნამუშევრები მოთავსებულია მრავალ სამხატვრო კატალოგში. მისი ფერწერული და გრაფიკული სურათები, ასევე ხატწერის ჟანრში შესრულებული ნამუშევრები ინახება საქართველოსა და მსოფლიოს მრავალი ქვეყნის კერძო კოლექციებში.

ანზორ აბჟანდაძე

დაბადების თარიღი:  30 ოქტომბერი, 1941  (82 წლის)

კატეგორია: მთარგმნელი, პოეტი

80-იანი წლების შუა პერიოდიდან აქტიურად ჩაება ეროვნული მოძრაობის აღმავლობის პროცესში, იყო პირველი ლეგალური არაფორმალური პოლიტიკური გაერთიანების - ილია ჭავჭავაძის საზოგადოების წევრი, შემდგომში ამ საზოგადოების გამგეობის წევრი 1993 წლამდე; ამავე პერიოდიდან ეწევა პროფესიონალურ ლიტერატურულ მოღვაწეობას, როგორც პოეტი და მთარგმნელი; გამოცემული აქვს პოეტური კრებულები: "ქება ჩიტს" (2010), "მე და ჩემი ძმა" (2010), "აჰა ინებეთ" (2011), "თქვენ სულ აქა ხართ" (2014); პოეზიისა და პროზის თარგმანები (ა. პუშკინი, მ. ლერმონტოვი, ლ. ანდრეევი, ვ. შუკშინი, რ. აკუტაგავა და სხვ.); რუსთველოლოგიური ნაშრომი "ვეფხისტყაოსანი და მისი ავტორი" (1994), პუბლიცისტური და ლიტერატურული წერილები.

 თამაზ ხაზარაძე

დაბადების თარიღი:  30 ოქტომბერი, 1939  (84 წლის)

კატეგორია მეცნიერი, პედაგოგი, ფიზიკოსი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1962 წელს.

მუშაობდა ზოგადი ფიზიკის კათედრის სასწავლო ლაბორატორიის გამგის თანამდებობიდან პროფესორობამდე, აქვს დაწერილი ფიზიკის ორიგინალური სახელმძღვანელოები. პედაგოგიკის მეცნიერებათა დოქტორი (1993), პროფესორი.

სადოქტორო დისერტაციის თემა - "ზოგადი ფიზიკის თანამედროვე კურსის აგებისა და სწავლების საკითხები", დაიცვა 1993 წელს.

ორგანიზაციის, ასოციაციის ან ჯგუფის წევრი

განათლების მეცნიერებათა აკადემია, წევრი

ზაზა აბზიანიძე

დაბადების თარიღი:  30 ოქტომბერი, 1940  (83 წლის)

კატეგორია:კრიტიკოსი, ლიტერატურათმცოდნე, მეცნიერი, მწერალი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1963 წელს.

1967 წლიდან არის ლიტერატურის ინსტიტუტის მეცნიერ თანამშრომელი; 1996 წლიდან ჟურნალ "Литературная Грузия"-ს რედაქტორი; 1988-2006 წწ. თეატრალური ინსტიტუტის ფილოლოგიის კათედრის გამგე, პროფესორი. არის 150-მდე სამეცნიერო ნაშრომის და 15 წიგნის ავტორი. ლიტერატურის ისტორიკოსი, ესეისტი, საბავშვო მწერალი.

საკანდიდატო დისერტაციის თემა -"ადამიანის კონცეფცია თანამედროვე ქართულ ლირიკაში", დაიცვა 1973 წელს;

სადოქტორო დისერტაციის თემა - " XIX-XXს.ს. ქართული პროზის ჰუმანისტური იდეალი",  დაიცვა 1993 წელს.

ორგანიზაციის, ასოციაციის ან ჯგუფის წევრი

კომპარატივისტიკის ქართული ასოციაცია(GEKLA), წევრი

მწერალთა საერთაშორისო ასოციაცია "ევროპული ფორუმი", წევრი

ჯილდოები, პრემიები და პრიზები

2019 - პრემია "საგურამო"

2011 - ლიტერატურული პრემია "გალა", წლის "საუკეთესო საგამომცემლო პროექტი"

პროექტისათვის - "ასი წიგნი: ადამიანები, რომელთაც შეცვალეს მსოფლიო"

2007 - პირველი ხარისხის პრემია "პარნასი", ლიტერატურის დარგში

სიმბოლოთა ილუსტრირებული ენციკლოპედია : 2 ტომად / ზაზა აბზიანიძე, ქეთევან ელაშვილი . - თბილისი : ბაკმი .- 2006

2003 - საქართველოს განათლებისა და მეცნიერების სამინისტროს ლიტერატურული კონკურსის გამარჯვებული

2001 - გაეროს ბავშვთა ფონდის(UNICEF) ლიტერატურული კონკურსი, პირველი ხარისხის პრემია

ბაბთა : ლიტერატურული ზღაპარი / ზაზა აბზიანიძე .- თბილისი : პლანეტა, 2001 .- 48გვ.

გრიგოლ კიკნაძის სახელობის პრემია, წლის "საუკეთესო სამეცნიერო სტატია"

ლიტერატურული პორტრეტისათვის - "უცნობი ყაზბეგი"

ოთარ ლორთქიფანიძე

დაბადების თარიღი:  30 ოქტომბერი, 1930

გარდაცვ. თარიღი:  19 მაისი, 2002  (71 წლის ასაკში)

დაკრძალვის ადგილი:  დიდუბის პანთეონი, თბილისი

კატეგორია:   არქეოლოგი, მეცნიერი

დაამთავრა თბილისის სახელმწიფო უნივერსიტეტის ისტორიის ფაკულტეტი 1953 წელს.

 1957 წლიდან კითხულობდა ლექციებს თბილისის სახელმწიფო უნივერსიტეტში. 1972 წლიდან  იყო ისტორიის, არქეოლოგიის და ეთნოგრაფიის ინსტიტუტის დირექტორის მოადგილე სამეცნიერო ნაწილში. 1977 წლიდან ხელმძღვანელობდა მისივე ინიციატივით შექმნილ არქეოლოგიური კვლევის ცენტრს. 1966 წლიდან ოთარ ლორთქიფანიძე სათავეში ჩაუდგა ვანის არქეოლოგიურ ექსპედიციას. მისი კვლევის საგანი იყო ძველი კოლხეთისა და იბერიის ისტორია არქაული ეპოქიდან გვიანდელ ანტიკურ ხანამდე. 1977 წლიდან მისი ინიციატივით ეწყობოდა შავიზღვისპირეთის ძველი ისტორიული და არქეოლოგიური საკითხებისადმი მიძღვნილი საერთაშორისო სიმპოზიუმები. 1985 წელს  დააფუძნა ვანის არქეოლოგიური მუზეუმი, რომელშიც განთავსებულია ვანის ნაქალაქარზე ჩატარებული არქეოლოგიური გათხრების შედეგად მოპოვებული მასალის უმეტესობა (4 000-ზე მეტი ექსპონატი). მისი კონცეფციით შეიქმნა ფოთის კოლხური კულტურის მუზეუმი. იგი იყო სულისჩამდგმელი და ორგანიზატორი საზღვარგარეთ მოწყობილი არაერთი არქეოლოგიური გამოფენისა (მოსკოვში, საარბრიუკენში, შტუტგარტში, ბრაუნშვაიგში, ბონში, ბოხუმში, ვისბადენში). გამოქვეყნებული აქვს 200-ზე მეტი ნაშრომი (მონოგრაფიები და სტატიები მრავალ ენაზე). 1991 წელს გერმანიაში გამოცემულ ო. ლორთქიფანიძის წიგნს - "Archologie in Georgien" - მიენიჭა ქალაქ მაინცის არქეოლოგიური საზოგადოების მედალი. არის ალექსანდრე ფონ ჰუმბოლდტის საერთაშორისო პრემიის ლაურეატი. მისი სახელი მინიჭებული აქვს ვანის არქეოლოგიურ მუზეუმ-ნაკრძალს და ქუჩას რომელზეც მუზეუმი მდებარეობს. ისტორიის მეცნიერებათა დოქტორი (1966), პროფესორი (1969).

საკანდიდატო დისერტაციის თამა - "ხელოსნური წარმოება და ვაჭრობა მცხეთაში ახალი წელთაღრიცხვის I-III საუკუნეებში", დაიცვა 1958 წელს; სადოქტორო ისერტაციის თემა - "ანტიკური სამყარო და ძველი საქართველო", დაიცვა 1966 წელს.

ორგანიზაციის, ასოციაციის ან ჯგუფის წევრი

გერმანიის არქეოლოგიური ინსტიტუტი , წევრ–კორესპონდენტი

ესპანეთის სამეფო საისტორიო აკადემია, წევრი (2001-)

კლასიკური არქეოლოგიის საერთაშორისო ასოციაცია (რომი), წევრი

კლასიკური მითოლოგიის იკონოგრაფიული ლექსიკონის საერთაშორისო სამეცნიერო კომიტეტი, წევრი

პოლონეთის არქეოლოგიური სამეცნიერო საზოგადოება, წევრი

საქართველოს მეცნიერებათა აკადემია, აკადემიკოსი (2002-)

საქართველოს მეცნიერებათა აკადემია, წევრ-კორესპონდენტი (1997-)

ჯილდოები, პრემიები და პრიზები

2000 - საქართველოს სახელმწიფო პრემია, მეცნიერებისა და ტექნიკის დარგში

1989-1997 წლებში გამოქვეყნებულ შრომათა ციკლისათვის - "უძველესი ქართული სახელმწიფოები: კოლხეთი და იბერია"

2000 - ღირსების ორდენი

ქალაქ ვანის საპატიო მოქალაქე

ბაადურ რაჭველიშვილი

დაბადების თარიღი:30 ოქტომბერი, 1922

გარდაცვ. თარიღი: 2012  (89 წლის ასაკში)

კატეგორია: ექიმი, მეცნიერი

დაბადების ადგილი: ქ. თბილისი.

 დაამთვარა თბილისის სახელმწიფო სამედიცინო ინსტიტუტი სამკურნალო ფაკულტეტი 1946 წელს.

 1946-1947წწ. იყო ხულოს რ–ნის საექიმო უბნის გამგე; 1951-1960წწ. რესპუბლიკის ცენტრალური კლინიკური საავადმყოფოს ორდინატორი და ენდოსკოპიური კაბინეტის გამგე; 1960-1985წწ. თბილისის სახელმწიფო სამედიცინო ინსტიტუტის სუბორდინატორთა ჰოსპიტალური თერაპიის კათედრის ასისტენტი, დოცენტი, პროფესორი; 1986-2008წწ. ამავე ინსტიტუტის შინაგან სნეულთა კათედრის გამგე და პროფესორი; 1971 წლიდან რესპუბლიკის მთავარი თერაპევტი; 1980 წლიდან საქართველოს ჯანდაცვის სამინისტროს მთავარი გასტროენტეროლოგი; 1981 წლიდან უმაღლესი სკოლის დამსახურებული მასწავლებელი. არის 160 სამეცნიერო ნაშრომისა და რამდენიმე მონოგრაფიის ავტორი, მათ შორის: "საქართველოს მედიცინის ისტორია" (1956), "Гастробиопсия в клинической практике (1969), "პესტიციდების ზემოქმედება ადამიანის ორგანიზმზე" (1981).

საკანდიდატო დისერტაციის თემა – "მასალები შინაგან სნეულებათა დიაგნოსტიკისა და კლინიკის შესახებ ძველ ქართულ წყაროებში", დაიცვა 1958 წელს; სადოქტორო დისერტაციის თემა – "Хронический гастрит у сельских жителей", დაიცვა 1984 წელს.

ორგანიზაციის, ასოციაციის ან ჯგუფის წევრი

თერაპევტთა რესპუბლიკური საზოგადოების პრეზიდიუმი, წევრი

ინტერნისტთა მსოფლიო გაერთიანება, წევრი (1995-)

რეპრესირებულთა საზოგადოება "მემორიალის" სამედიცინო კომისია, თავმჯდომარე

საქართველოს გასტროენტეროლოგთა ასოციაცია, პრეზიდენტი (1964-)

ჯილდოები, პრემიები და პრიზები

1999 - საქართველოს საპატრიარქოს სიგელი

1995 - ღირსების ორდენი

1985 - ღირსების ორდენი

1982 - ღირსების ორდენი

ლელა ალიბეგაშვილი

დაბადების თარიღი:  30 ოქტომბერი, 1962  (61 წლის)

კატეგორია:  მსახიობი

დაბადების ადგილი: ქ. თბილისი.

დაამთავრა საქართველოს შოთა რუსთაველის თეატრისა და კინოს უნივერსიტეტის სამსახიობო ფაკულტეტი 1986 წელს.

 1986 წლიდან არის რუსთაველის თეატრის მსახიობი. გადაღებულია ფილმებში: "ამბავი სურამის ციხისა" (1984), მოცეკვავე გოგონა, თხა – "სიბრძნე სიცრუისა" (1991) ;"არაბესკები ფიროსმანის თემაზე" (დოკუმენტური ფილმი), "სიბრძნე სიცრუისა"; თბილისის ზაქარია ფალიაშვილის ოპერისა და ბალეტის თეატრის სცენაზე განასახიერა ბედისწერა, უცნობი ("კარმენი’"); მიღებული აქვს პრემიები და პრიზები: "სეზონის საუკეთესო სცენური ნაწარმოები" ლილიენის როლის შესრულებისათვის რუსთაველის თეატრის სპექტაკლში "საშობაო სიზმარი", რეჟისორი რ. სტურუა (1994); გრან-პრი, "ოქროს ნიღაბი" ("მაკბეტი", 1996 წ.); პრიზი ქალის როლის (ნია) საუკეთესო შესრულებისათვის სპექტაკლში "მერე რა, რომ სველია სველი იასამანი" (1997); პრიზი ქალის როლის (ნია) საუკეთესო შესრულებისათვის სპექტაკლში "მერე რა, რომ სველია სველი იასამანი" (1998), რუსთავის საერთაშორისო თეატრალური ფესტივალი "ოქროს ნიღაბი"; პრიზი ქალის როლის საუკეთესო შესრულებისათვის ("მარია კალასი. გაკვეთილი", 2014 წ.); თეატრალური პრემია "დურუჯი“ ქალის როლის საუკეთესო შესრულებისათვის ("მარია კალასი. გაკვეთილი", 2014 წ.); გატაცებულია მუსიკით, კითხვითა და ცეკვით.

ჯილდოები, პრემიები და პრიზები

1994 - პრემია "სეზონის საუკეთესო სცენური ნაწარმოები", ლილიენის როლის შესრულებისათვის სპექტაკლში "საშობაო სიზმარი"