ეროვნული ბანკის მიერ გამოქვეყნებული ანგარიშით ირკვევა, რომ საქართველოში მოქმედმა ბანკებმა 2021 წლის პირველ შვიდ თვეში 1.24 მილიარდი ლარის მოგება მიიღეს. 

თვეების მიხედვით მოგება შემდეგნაირად გადანაწილდა: იანვარი – 113.4 მილიონი ლარი; თებერვალი – 132 მილიონი ლარი; მარტი – 166.3 მილიონი ლარი; აპრილი – 173 მილიონი ლარი; მაისი - 204 მილიონი ლარი; ივნისი - 294.6 მილიონი ლარი; ივლისი - 178 მილიონი ლარი.

მთლიანობაში 2021 წლის 7 თვეში ბანკებმა მთლიანი შემოსავლის სახით 3.39 მილიარდი ლარი მიიღეს, რაც წინა წლის ანალოგიურ პერიოდთან შედარებით 26%-ით მეტია. 

რაც შეეხება, დეპოზიტებზე რიცხული სარგებლის მოცულობა 745.4 მილიონ ლარს შეადგენდა. ამასთან, ბანკებმა თავიანთი სესხების მომსახურებაზე 424 მილიონი ლარი დახარჯეს.  თანამშრომლებზე ხელფასების სახით 438 მილიონი ლარი გასცეს.